Ճապոնիայում ծառայողներին թույլատրել են աշխատանքի ներկայանալ առաց փողկապների

Ճապոնիայում մեկ շաբաթ ուշացումով է սկսվել Cool biz արշավը. կայուն տաք եղանակի հաստատվելու կապակցությամբ ծառայողներին թույլատրված է աշխատանքի ներկայանալ առաց փողկապների: Դա թույլ է տալիս նույնիսկ մայիսյան շոգ օրերին ձեռնպահ մնալ օդորակիչների օգտագործումից:

Ինչպես միշտ, օրինակ են ցույց տալիս շրջակա միջավայրի աշխատակիցները. նրանք եկել են ոչ միայն առանց փողկապների, այլեւ, չնայած Տոկիոյի հով եղանակին, կարճ թեւքերով մարզաշապիկներով եւ օկինավյան բլուզներով՝ բուսական զարդանախշերով:

Հագուստի թեթեւացված ձեւի ներդրման Сool biz (կրճատված cool business-ից) համազգային արշավը երկրում անցկացվում է 2005 թվականից: Դրա նպատակն է ջերմոցային էֆեկտի դեմ պայքարն օդորակիչների բեռնվածության նվազեցման հաշվին, որոնք միացնում են 28 աստիճանի աշխատանքի ռեժիմով կամ ընդհանրապես անջատում են:

Դրա համար ծառայողներին թույլատրված է աշխատանքի գալ ավելի թեթեւ հագուստով: Սկզբնապես արշավը տեւում էր հունիսի 1-ից մինչեւ սեպտեմբերի 30-ը: Բայց 2011 թվականից, երբ Ճապոնիան սկսեց էլեկտրաէներգիան խնայել մարտի 11-ի երկրաշարժի եւ «Ֆուկուսիմա-1» ատոմակայանի վթարից հետո բոլոր ատոմային կայանների շարքից դուրս գալու պատճառով, արշավն սկսեցին անցկացնել մայիսի 1-ից մինչեւ հոկտեմբերի 31-ը:

Սակայն այս տարվանից որոշվել է արշավն ավարտել սեպտեմբերի վերջին, քանի որ աշնան երկրորդ ամսին իսկական շոգ օրեր քիչ են լինում, հաղորդել է ՌԻԱ Նովոստին: