Ուոլ սթրիթի բանկերը նախապատրաստում են հաճախորդներին Չինաստանի եւ Վաշինգտոնի միջեւ առեւտրային պատերազմի

Ուոլ սթրիթի առաջատար ներդրումային բանկերը նախապատրաստում են իրենց հաճախորդներին Չինաստանի հետ առեւտրային պատերազմի հնարավոր վատագույն սցենարին, քանի որ ԱՄՆ-ը մտադիր է բարձրացնել չինական ներկրված ապրանքների հարկերը՝ կոչ անելով «կապել ամրագոտիները», հաղորդում է CNBC-ը:

UBS-ից մինչեւ Bank of America-ի փորձագետները մանրակրկիտ պատմել են ԱՄՆ-ի, Չինաստանի եւ Եվրոպայի ֆոնդային շուկաների համար վատագույն սցենարների մասին: Նրանք կանխատեսում են վաճառքների ավելացում, եթե Վաշինգտոնը չկարողանա լուծել առեւտրային վեճերն ամբողջ աշխարհում:

Շուկայի տատանումները, որոնք հրահրվել են աշխարհի երկու խոշորագույն տնտեսությունների միջեւ առեւտրային պայքարի սրացմամբ, կարող են այնքան աղետաբեր լինել, որ կհանգեցնեն S & P 500 ցուցանիշի փոփոխություններին, գրում է UBS ռազմավարության փորձագետ Քիթ Փարքերը:

Այս շաբաթ համաշխարհային ակցիաները աննախադեպ բարձրացել էին, երբ կիրակի նախագահ Դոնալդ Թրամփը թվիթերյան գրառում էր կատարել, որ 200 մլրդ արժողությամբ չինական ապրանքների ընթացիկ 10 տոկոս սակագինը կաճի մինչեւ 25 տոկոսի: Դոու-Ջոնսի արդյունաբերական ինդեքսն ընկել էր 450 կետով այդ շաբաթվա ընթացքում, մինչդեռ S & P 500-ը կորցրել էր 1.9 տոկոս:

Boeing, Apple եւ Caterpillar միջազգային գնորդներից վաճառքների մեծ չափաբաժնով Դոու-Ջոնսի բաղադրիչները նվազել էին համապատասխանաբար 4, 3.5 եւ 3.4 տոկոսով այս շաբաթ:

«Կապեք ամրագոտիներն ու շունչը մի պահեք»,-երկուշաբթի գրել են Ամերիկայի Բանկի փորձագետները: «Առեւտրային պատերազմի վերջին էսկալացիան անսպասելի էր՝ չնայած տնտեսության եւ շուկաների ուժին»:

Սակայն առեւտրային պատերազմի սրացումը զգալի հետեւանքներ կթողնի նաեւ եվրոպական ու ասիական շուկաների դեպքում:

Լայնածավալ առեւտրային պատերազմը կկրճատի համաշխարհային տնտեսական աճը 45 բազիսային դրույթով, մինչդեռ Չինաստանի ՀՆԱ-ն կհասնի 1.2-1.5 տոկոսի:

Morgan Stanley-ի ԱՄՆ-ի՝ ռազմավարության գծով պետական քաղաքականության ղեկավար Մայքլ Զեզասը գրել է, որ, չնայած նրա բազային սցենարը կանխատեսում է Չինաստանի ՀՆԱ-ի աճ 6.5 տոկոսով երկրորդ եւ երրորդ եռամսյակներում, ԱՄՆ-ի կողմից սակագների բարձրացումը կարող է իջեցնել այդ ցուցանիշը 0.3 տոկոսով: