Շրի Լանկայի կառավարությունը հայտնել է, որ ահաբեկչության բոլոր կազմակերպիչները ձերբակալված կամ ոչնչացված են

Շրի Լանկայի կառավարությունը հայտնել է, որ ապրիլի 21-ին տեղի ունեցած ահաբեկչության բոլոր կազմակերպիչները ձերբակալվել են կամ ոչնչացվել: Այս մասին հայտնում է «Коммерсантъ»-ը:

Նշվում է, որ իրավապահ մարմիններն առգրավել են ռումբեր պատրաստելու նյութերը, որոնք պետք է օգտագործվեին հետագա հարձակումների համար:

Հիշեցնենք, որ Զատկի օրը մի շարք պայթյուններ էին որոտացել կղզու եկեղեցիներում և այլ կառույցներում, ինչի հետևանքով 250-260 մարդ էր մահացել: Կատարվածի պատասխանատվությունն ստանձնել էր «Իսլամական պետությունը»:

Շրի Լանկայի ԱԳՆ-ն թարմացրել է ապրիլի 21-ին տեղի ունեցած մի շարք ահաբեկչությունների հետևանքով զոհված արտասահմանցիների ցանկը, որոնց թիվը կազմում է 42: