Պայթյուն Պեմի քիմիական գործարանում

ՌԴ Պերմի երկրամասի Բերեզնիկի քաղաքում ամոնիակի արտադրամասում պայթյուն է տեղի ունեցել, որի հետևանքով 3 մարդ է մահացել: 1 հոգի տեղափոխվել է հիվանդանոց:

РИА Новости-ի փոխանցմամբ՝ միջադեպը տեղի է ունեցել վերանորոգման աշխատանքների ընթացքում: Արտակարգ իրավիճակների նախարարության մամուլի ծառայությունը հաղորդել է, որ արտադրամասի անձնակազմին և քաղաքի բնակչությանը վտանգ չի սպառնում:

Պայթյունի հետևանքները վերացնելու գործում ներգրավված է եղել 30 մարդ և 10 միավոր տեխնիկա:

ՌԴ քննչական կոմիտեն հարուցել է քրեական գործ վտանգավոր արտադրական օբյեկտների անվտանգության պահանջները խախտելու հոդվածով: Մեղավորներին սպառնում է մինչև 7 տարվա ազատազրկում: