Նոր Զելանդիայի վարչապետը նշանադրվել է հեռուստահաղորդավարի հետ

Նոր Զելանդիայի վարչապետ Յասինդա Արդենը նշանադրվել է երկար տարիներ իր զուգընկերոջ` հեռուստահաղորդավար Քլարկ Գեյֆորդի հետ։ Զույգի նշանադրվելու մասին լուրը տարածվեց, երբ այսօր միջոցառման ժամանակ վարչապետի ձախ ձեռքի միջնամատին երևաց ադամանդե մատանին:

Սրատես լրագրողները չէին կարող չնկատել մատանին ու հարցումով դիմել են վարչապետի գրասենյակին, որի խոսնակը հաստատել է, որ զույգը Սուրբ Զատիկին է նշանադրվել։

Հիշեցնենք, որ նախորդ տարի վարչապետ Արդենը լույս աշխարհ բերեց իրենց առաջնեկին՝ դստերը։

Արդենն աշխարհում երկրորդ առաջնորդն է, որը պաշտոնավարման ընթացքում երեխա է ունեցել: Առաջինը Պակիստանի վարչապետ Բենազիր Բհութտոն է եղել: