ԱՄՆ-ի հեռուստադեմք Լարրի Քինգը հոսպիտալացվել է

Ամերիկյան հայտնի լրագրող և հեռուստահաղորդավար Լարրի Քինգը կաթված է ստացել: Այդ մասին ապրիլի 29-ին հաղորդել է TMZ-ն:

Ըստ աղբյուրի՝ ապրիլի 25-ին Քինգն ունեցել է սրտի կանգ: Այդ ընթացքում նա պատրաստվում էր գնալ բուժզննման, քանի որ մի քանի ամիս շարունակ շնչառական դժվարություններ ուներ:

85-ամյա հաղորդավարին բժիշկները հրատապ տեղափոխել են հիվանդանոց: Նրանց հաջողվել է Քինգին գիտակցության բերել և վիճակը կայունացնել:

Ի դեպ, Լարրի Քինգի մոտ առաջին անգամ սրտի հետ կապված խնդիր եղել է 30 տարի առաջ: Այդ 30 տարվա ընթացքում նա 2 անգամ սրտի նոպա է ունեցել: