Facebook-ն առաջին անգամ գիտնականներին հասանելիություն է տրամադրել իր գաղտնի տվյալներին

Facebook-ն առաջին անգամ մի խումբ գիտնականների հասանելիություն է տրամադրել իր գաղտնի տվյալներին։ Այս մասին հայտնում է ընկերության մամուլի ծառայությունը։

11 երկրի 30 ակադեմիական ինստիտուտները ներկայացնող 60 գիտնականներից կազմված անկախ խումբը հասանելիություն կստանա 2017 թվականի հունվարից 2019 թվականի փետրվար ընկած ժամանակահատվածի տվյալներին։

Նրանց հետաքրքրող ոլորտներից մեկը սոցցանցի հնարավոր ազդեցությունն է ընտրությունների վրա։ Գիտնականները հասանելիություն չեն ստանա այն ժամանակահատվածների տվյալներին, երբ Facebook-ը քննադատության է ենթարկվել տվյալների արտահոսքի համար։