Իսպանիայում հաղթել են սոցիալիստները

Իսպանիայի Սոցիալիստական աշխատավորական կուսակցությունը (PSOE) հաղթանակ է տոնել Պիրենեյան թագավորությունում ավարտված արտահերթ խորհրդարանական ընտրություններում:

Ինչպես հայտնում է «РИА Новости»-ն, սոցիալիստ աշխատավորները, որոնց ներկայացուցիչն է վարչապետ Պեդրո Սանչեսը, 123 մանդատ կստանան 350 տեղանոց Պատգամավորների կոնգրեսում, որը խորհրդարանի ստորին պալատն է: Ընտրությունների արդյունքները մեծ հաջողություն է նրանց համար: Խորհրդարանի նախորդ կազմում նրանք ունեին 85 մանդատ:

Երկրորդ տեղը գրավել է Ժողովրդական կուսակցությունը, որը կունենա 66 մանդատ: Կենտրոնական «Քաղաքացիներ» կուսակցությունը երրորդն է և կունենա 57 մանդատ: Ձախ քաղաքական ուժերի կոալիցիային կտրվի 42 տեղ, իսկ աջ ծայրահեղական կուսակցությանը՝ 24 տեղ: Նշվում է, որ արտահերթ ընտրություններին մասնակցության հայտը կազմել է 76 տոկոս:

«Մեր առաջադեմ դիրքերով մենք պատրաստ ենք ձեռք մեկնել բոլոր քաղաքական ուժերին, որոնք հարգում են սահմանադրությանը: Դա մեր միակ պայմանն է: Պետք է հարգել սահմանադրությունը, ձգտել սոցիալական արդարության և հասարակության բնականոն գոյակցության ու քաղաքական մաքրության»,- ասել է Սանչեսը: