Իսպանիայում այսօր անցկացվում են արտահերթ խորհրդարանական ընտրություններ

Իսպանիայում ընթանում են արտահերթ խորհրդարանական ընտրություններ․ արդյունքում կընտրվեն խորհդարանի ստորին պալատի՝ Պատգամավորների կոնգրեսի 350 անդամներ և 208 սենատորներ։ Ինքնավար Վալենսիայում, բացի համազգային քվեարկությունից, ընթանում են ինքնավար համայնքի խորհրդարանի ընտրություններ։ Այս մասին հայտնում է RIA Novosti-ն։

8131 քաղաքներում բացվել են 60 հազարից ավելի ընտրատեղամասեր։ Քվեարկելու իրավունք ունի 36․89 մլն քաղաքացի, որից 2 միլիոնը բնակվում է արտերկրում։

Քվեարկության ընթացքում անվտանգությունն ապահովում են 92 հազար իրավապահներ։

Ընտրությունների բյուջեն կազմել է մոտ 139 մլն եվրո։