Եվրախորհրդարանը հաստատել է մեկանգամյա օգտագործման պլաստիկե առարկաներն արգելող օրինագիծը

Եվրոպական խորհրդարանը հաստատել է մեկանգամյա օգտտագործման պլաստիկե իրերի լայնամասշտաբ կիրառումն արգելող օրենքը: Ինչպես հայտնում է CNN-ը, օրենքն ուժի մեջ է մտնելու 2021 թվականից և նախատեսում է սպասքի պարագաների, ականջի բամբակների և ըմպելու ձողիկների օգտագործման արգելք:

Օրինագծի վերջնական ընդունումը նախատեսված է առաջիկա շաբաթներին: Օրենքին կողմ են քվեարկել Եվրախորհրդարանի 560 անդամներ, իսկ դեմ՝ 35-ը: Թվով 10 իր է ներառվում պլաստիկե մեկանգամյա օգտագործման առարկաների թվում, որոնց օգտագործումն արգելվելու է օվկիանոսի աղտոտումը կանգնեցնելու համար:

Եվրախորհրդարանականները համաձայնեցրել են օգտագործված շշերի 90 տոկոսը հավաքելու և վերամշակելու հարցը մինչև 2029 թվականը: