Ուգանդայում 39-ամյա կինը 38 երեխայի մայր է

Ուգանդայում ապրում է բազմազավակ Մարիամ Նաբատանզին, ով 39 տարեկան է և ունի 38 երեխա: Այս մասին հայտնում է «РИА Новости»-ն: Նշվում է, որ կինը յուրահատուկ օրգանիզմ ունի և մշտապես լույս աշխարհ է բերում մեկից ավել երեխա:

Աղբյուրը հայտնում է, որ իր առաջին երեխաներին նա ունեցել է 13 տարեկանում: Մարիամ Նաբատանզին 5 անգամ լույս աշխարհ է բերել երկվորյակների, 4 անգամ` եռյակի, 5 անգամ` քառյակի:

Բազմազավակ ընտանիքն ապրում է բետոնե տնակում` սուրճի ֆերմաների հարևանությամբ գտնվող ավանում: Երեք տարի առաջ երեխաների հայրը լքել է ընտանիքը, և այժմ կինն ինքնուրույն է դաստիարակում և մեծացնում բոլոր 38 զավակներին: