Շրի Լանկայի ՊՆ քարտուղարը հեռացել է իր պաշտոնից

Շրի Լանկայի ՊՆ քարտուղար Խեմասիրի Ֆերնանդոն ազատման դիմում է ներկայացրել հասարակության եւ երկրի ղեկավարության կողմից իր հասցեին քննադատությունից հետո, հաղորդում է Newsfirst-ը:

Ավելի վաղ Շրի Լանկայի նախագահ Մայտրիպալա Սիրիսենան Ֆերնանդոյին խնդրել էր հեռանալ պաշտոնից:

Շրի Լանկայի լրատվամիջոցների տեղեկություններով՝ Ֆերնանդոն չի կարողացել կանխել երկրում պայթյունների շարքը՝ չնայած իշխանությունների կողմից նախապաստրաստվող պայթյունների մասին ստացված տվյալներին:

Նրա անգործությունը հասարակական դժգոհություն է առաջացրել:

Շրի Լանկայի խորհրդարանի պատգամավոր Վիջեյադասա Ռաջարակսան պետության ղեկավարից պահանջել է անհապաղ կալանավորել ՊՆ քարտուղարին:

Ապրիլի 21-ին Շրի Լանկայում տեղի է ունեցել երկրի պատմության մեջ ամենախոշոր ահաբեկչությունների շարքը, որի հետեւանքով, վերջին տեղեկություններով, զոհվել է 290 մարդ, նրանց թվում ավելի քան 30-ը արտասահմանցիներ են: Կոլոմբո, Նեգոմբո եւ Բատիկալոա քաղաքներում ընդհանուր 8 պայթյուն է տեղի ունեցել, այդ թվում՝ կաթոլիկ եկեղեցիներում զատկի պատարագի ժամանակ եւ հյուրանոցներում:

Զոհերի ընդհանուր թիվը կազմել է 359 մարդ: Հարձակումներն իրականացրել են մահապարտները, որոնք Շրի Լանկայի քաղաքացիներ են:

Այս թեմայով Շրի Լանկայում սոցցանցերն արգելափակվել են Շրի Լանկայում նոր ահաբեկչության սպառնալիքի պատճառով կաթոլիկ եկեղեցիներում հետաձգվել են պատարագները Շրի Լանկայի իշխանությունները չեղարկել են սոցցանցերի օգտագործման արգելքը Շրի Լանկայում արգելվել է դեմքը ծածկող հագուստը Շրի Լանկայում կաթոլիկ եկեղեցին չեղարկել է բոլոր կիրակնօրյա պատարագները