Տոկիոյի դատարանն արգելել է Կառլոս Գանին հաղորդակցվել կնոջ հետ

Տոկիոյի օկրուգային դատարանը, որը մինչ այդ հավանություն էր տվել գրավի դիմաց Renault - Nissan – Mitsubishi-ի նախկին ղեկավար Կառլոս Գանին ազատ արձակել բանտից, արգելել է նրան հաղորդակցվել կնոջ՝ Քերոլի հետ, տեղեկացնում է ՏԱՍՍ-ը՝ հղում կատարելով Kyodo-ին։

Նշվում է, որ կնոջ հետ որեւէ հաղորդակցման արգելքը պայմաններից մեկն էր, որով համաձայնել են գրավի դիմաց ազատ արձակել Կառլոս Գանին։ Ավելի վաղ մայրաքաղաքի դատախազությունը բողոքարկել էր դատարանի վճիռը, ինչի արդյունքում գրավով Գոնի ազատ արձակման գործընթացը դադարեցվեց։ Այնինչ, նրա փաստաբաններն արդեն վճարել էին գրավի ողջ գումարը՝ 500 մլն իեն (մոտ 4,5 մլն դոլար ընթացիկ փոխարժեքով)։

Այս տարվա մարտին Գոնին արդեն ազատ արձակել էին բանտից 9 մլն դոլար գրավի դիմաց։ Բայց ապրիլի 4-ին նրան նորից ձերբակալեցին լրացուցիչ մեղադրանքով։