Բելառուսը հույս ունի ռուսական նավթին այլընտրանք գտնել
Բելառուսական նավթային ընկերությունը հույս ունի մինչև տարեվերջ ռուսական նավթին այլընտրանք գտնել և ներկրում կազմակերպել Բալթյան նավահանգիստների կամ Ուկրաինայի տարածքով: Այս մասին լրագրողներին հայտնել է Բելառուսական նավթային ընկերության գլխավոր տնօրենի տեղակալ Սերգեյ Գրիբը:
«Հույս ունենք այս տարի սկսել մատակարարումները ծովային նավահանգիստներով: Այո, նրանք (նավահանգիստները) հետաքրքրված են, որ մենք նավթի հավելյալ հոսք ընդունենք կա՛մ Ուկրաինայից, կա՛մ Բալթյան նավահանգիստներից», - Գրիբին մեջբերում է «Ինտերֆաքս» գործակալության բելառուսական տարբերակը:
Մեկնաբանելով ներկրման հնարավոր ուղղությունները՝ Գրիբն ընդգծել է, որ ամեն ինչ կախված կլինի փոխադրման պայմաններից, որոնք կառաջարկեն հարևան երկրները:
«Կամ Բալթյան նավահանգիստները, կամ Օդեսան, կամ երկուսն էլ: Մոզիրի նավթավերամշակման գործարանը Ուկրաինային մոտ է, այսինքն լիովին հնարավոր է, եթե Մոզիրի նավթավերամշակման գործարանում, համապատասխանաբար, կլինի Ուկրաինայի տարածքով: Նաֆտանը մոտ է մերձբաալթյան նավահանգիստներին, հեւտեւաբար տրամաբանական է դիտարկել Բալթյան ծովի նավահանգիստները»,-պարզաբանեց նա:
Բելառուսական նավթային ընկերության ներկայացուցչի խոսքով՝ նավթի մատակարարը դեռևս չի որոշվել: «Ամեն ինչ կախված կլինի գնից»,- ասել է նա: Հնարավոր տարբերակների թվում նա նշել է Ադրբեջանից, Սաուդյան Արաբիայից և Նիգերիայից մատակարավող նավթամթերքը:
Գրիբը նշել է, որ բելառուսական նավթավերամշակման գործարանները կարող են նավթի 18 սորտեր վերամշակել:
«Կարող են մատակարարումներ լինել Ադրբեջանից: Իրանից, ամենայն հավանականությամբ, չէ, այնտեղ պատժամիջոցներ են: Կարող ենք նավթ վերամշակել Սաուդյան Արաբիայից, նիգերիական նավթը նույնպես կարող են վերամշակել», պարզաբանել է նա:
Արհեստների միջազգային 5-րդ փառատոնն այս տարի կանցկացվի Մեղրիում
ԿԳՄՍ-ն ստացել է ուսումնական հաստատություններում քաղաքական գործունեության, քարոզչության կամ հակաքարոզ...
Թանգարանների գիշեր․ մայիսի 16-ին թանգարանները կգործեն անվճար մինչև կեսգիշեր
Անկախ Հայաստանի պատմության մեջ առաջին անգամ բլոկ-մոդուլային ենթակայան է կառուցվում
Առաջիկա օրերին Հայաստան կմատակարարվի իրանական հեղուկ գազ, ինչը կարող է նպաստել գների նվազմանը. Պապոյ...
Սիսիանի համայնքային ոստիկանները հայտնաբերել են 12-ամյա տղային նվաստացրած պատանիներին
ՄԻՊ-ը հայտարարում է «Առողջության պահպանման իրավունք» խորագրով մրցույթ
Ուկրաինական AI դրոնները կաթվածահար են անում մատակարարման ուղիները
ԱՄՆ-ն Չինաստանի օգնության կարիքը չունի Իրանի հարցում. Ռուբիո
Ռուսաստանը և Ուկրաինան իրականացրել են «205-ը 205-ի դիմաց» ձևաչափով ռազմագերիների փոխանակում