Շրի Լանկայի հետախուզությունը 10 օր առաջ իմացել է նախապատրաստվող ահաբեկչության մասին, սակայն ոստիկանությանը չի տեղեկացրել. Daily Mail (լուսանկարներ)

Շրի Լանկայի ոստիկանությունը ստուգումներ է անցկացնում այն պնդման վերաբերյալ, որ երկրի հետախուզությունը տասը օր առաջ իմացել է Սուրբ Զատկի օրն արյունալի պայթյուննելի շարքի ծրագրման մասին, սակայն տեղեկությունը չի փոխանցել ոստիկանությանը:

Ինչպես հայտնում է Daily Mail-ը, ապրիլի 21-ին Շրի Լանկայի տարբեր հատվածներում, այդ թվում՝ եկեղեցիներում և հյուրանոցներում որոտացած 9 պայթյունի հետևանքով զոհերի թիվը հասել է 290-ի: Ահաբեկիչների թիրախում են եղել Սուրբ Հարության տոնը նշող քրիստոնյաները:

Ինչ վերաբերում է հետախուզության տեղեկացված լինելու պնդմանը, ապա նշվում է, որ երկու նախարար համապատասխան հայտարարություններով է հանդես եկել Twitter-ում:

Հեռահաղորդակցության հարցերով նախարար Հարին Ֆերնանդոն գրել է. «Հետախուզության ծառայության որոշ աշխատակիցներ տեղյակ են եղել սրա մասին: Այնուհանդերձ՝ նրանք հապաղել են գործել: Պետք է լուրջ քայլեր ձեռնարկել հասկանալու համար՝ ինչու են նրանք անտեսել դա»:

Դրան կից նա հրապարակել է ապրիլի 11-ին թվագրվող փաստաթղթերի լուսանկարներ, որոնցում ներկայացված է ծրագրված հարձակումների պլանը:

Telecommunications Minister Harin Fernando tweeted: 'Some intelligence officers were aware of this incidence. Therefore there was a delay in action. Serious action needs to be taken as to why this warning was ignored'

 Ազգային ինտեգրման հարցերով նախարար Մանո Գանեշանը հավելել է, որ իր ղեկավարած նախարարության անվտանգության ուժերը նախապես տեղեկացված են եղել մահապարտների կողմից քաղաքական գործիչների նկատմամբ հարձակումների հավանականության մասին:

 Police in Sri Lanka said Monday the investigation into the Easter Sunday bombings will examine reports that the intelligence community failed to detect or warn of possible suicide attacks before the violence

 Հայտնի է, որ ապրիլի 21-ին Շրի Լանկայում տեղի ունեցած պայթյունների շարքի հետևանքով զոհերի թիվը հասել է 290-ի, մինչդեռ վիրավորներն ավելի քան 500-ն են:

USA Today-ի փոխանցմամբ՝ ահաբեկչություններն իրականացվել են Շրի Լանկայում գործող National Thowfeek Jamaath գրոհայինների խմբի կողմից: Բոլոր պայթյուններն իրականացրել են Շրի Լանկայի քաղաքացի հանդիսացող մահապարտներ, սակայն իշխանությունները չեն բացառում նաև օտարերկրյա կապերի առկայությունը:

 A view of St Sebastian's Church damaged in blast in Negombo, north of Colombo, Sri Lanka, on Sunday

 Ըստ թարմ տվյալների՝ զոհերի թվում կան Դանիայի, Ճապոնիայի, Պակիստանի, Մարոկկոյի, Հնդկաստանի, Բանգլադեշի, Չինաստանի, Նիդեռլանդների, ԱՄՆ-ի, Թուրքիայի և Մեծ Բրիտանիայի քաղաքացիներ:

Անցած կիրակի Շրի Լանկայում Սուրբ Հարության տոնի տոնակատարությունների ժամանակ ութ պայթյուն է որոտացել: Դրանցից առաջին վեցը տեղի են ունեցել Կոլոմբո, Նեգոմբո և Բատիկալոա քաղաքների երեք տաճարում և հյուրանոցներում: Յոթերորդ պայթյունը տեղի է ունեցել կղզու արևմտյան հատվածում, իսկ ութերորդը՝ երկրի մայրաքաղաքի արվարձաններից մեկի բնակելի համալիրում: Եվս մի ռումբ վնասազերծել են իրավապահները:

 Sri Lankans carry a dead body at St Sebastian's Church following a blast in Negombo, north of Colombo, Sri Lanka

Հարձակման գլխավոր թիրախը տեղի քրիստոնյաներն են եղել: Ոստիկանությունը ձերբակալել է 24 կասկածյալի: Բացի այդ, հայտնաբերվել է բեռնատար, որը կարող էին օգտագործել հանցագործները:

Շրի Լանկայի նախագահ Մայտրիպալա Սիրիսենան կարգադրել է ստեղծել հատուկ հանձնաժողով, որը կզբաղվի ահաբեկչությունների հետաքննությամբ:

Այս թեմայով Շրի Լանկայում սոցցանցերն արգելափակվել են Շրի Լանկայում նոր ահաբեկչության սպառնալիքի պատճառով կաթոլիկ եկեղեցիներում հետաձգվել են պատարագները Շրի Լանկայի իշխանությունները չեղարկել են սոցցանցերի օգտագործման արգելքը Շրի Լանկայում արգելվել է դեմքը ծածկող հագուստը Շրի Լանկայում կաթոլիկ եկեղեցին չեղարկել է բոլոր կիրակնօրյա պատարագները