«Պատմությունը փլվում է մեր աչքի առաջ». աշխարհի հայտնիներն արձագանքել են Փարիզի Աստվածամոր տաճարի հրդեհին (լուսանկարներ)

Ապրիլի 15-ի լույս 16-ի գիշերն աշխարհն անօգնական հետևում էր՝ ինչպես է կրակն ագահորեն կլանում համաշխարհային մշակույթի ամենահայտնի կոթողներից մեկը՝ Փարիզի Աստվածամոր տաճարը, որում բռնկված հրդեհը մարելու համար ավելի քան 400 հրշեջից մի քանի ժամ է պահանջվել:

Ինչպես նշում է Daily Mail-ը, հրդեհի շոկային լուրին արձագանքել են համաշխարհային առաջնորդներ, քաղաքական գործիչներ, հայտնիներ, որոնք համապատասխան գրառումներ են արել սոցկայքերում:

ԱՄՆ նախկին նախագահ Բարաք Օբաման իր զորակցությունն է հայտնել ֆրանսիացի ժողովրդին՝ ընդգծելով, որ Փարիզի Աստվածամոր տաճարն աշխարհի մեծագույն գանձերից է:

«Մեր էությանը բնորոշ է սգալ, երբ տեսնում ենք՝ ինչպես ենք կորցնում պատմությունը, սակայն մեզ բնորոշ է նաև հանուն վաղվա վերակառուցելը, հնարավորինս ուժեղ լինելը»,-գրել է Օբաման՝ կից հրապարակելով տաճարում ընտանիքի հետ արված լուսանկար:

ԱՄՆ առաջին տիկին Մելանյա Թրամփը գրել է. «Սիրտս ցավում է փարիզցիների համար, երբ տեսնում եմ այրվող տաճարը: Աղոթում եմ բոլորի անվտանգության համար»:

 Ֆրանսիացիներին իրենց ցավակցություններ են հայտնել նաև Կանադայի վարչապետ Ջասթին Տրյուդոն և Մեծ Բրիտանիայի վարչապետ Թերեզա Մեյը:

«Հետևում եմ՝ ինչպես է կրակը կուլ տալիս պատմական տաճարը. հուսահատեցնող և շոկային տեսարան է: Աղոթում եմ բոլորի անվտանգության համար»,-գրել է Իվանկա Թրամփը:

ԱՄՆ նախկին պետքարտուղար Հիլարի Քլինթոնը Ֆրանսիային ուժ է մաղթել տաճարի վերակառուցման ու վիշտը հաղթահարելու հարցում:

«Սիրտս Փարիզի հետ է: Փարիզի Աստվածամոր տաճարը մեր՝ որպես մարդ արարածների հանուն մեծ նպատակի միավորվելու խորհրդանիշն է»,-գրել է նախկին պետքարտուղարը:

My heart goes out to Paris. Notre Dame is a symbol of our ability as human beings to unite for a higher purpose—to build breathtaking spaces for worship that no one person could have built on their own. I wish France strength and shared purpose as they grieve and rebuild.

— Hillary Clinton (@HillaryClinton) 15 апреля 2019 г.

Այս թեմայով անկեղծ գրառումներ են արել երգչուհի Շերը, դերասան Իդրիս Էլբան, մոդել Կառլա Բրունին և այլ աստղեր:

Worked,Tried To Explain Myself,,Cried About Notre Dame,Worked,Felt Misunderstood,Worked,
Wondered how ppl could condemn me after all I’ve said & Done in life,Worked & Compartmentalized my Emotions,Took Care Of Those In My Care.Remembered Pain will wait 4 U.Choose Joy Now.

Այս թեմայով Ֆրանսիայում ասել են, որ Փարիզի Աստվածամոր տաճարի վերականգնումը կտեւի ավելի քան հինգ տարի Ճարտարապետները 7 տարբերակ են առաջարկել Փարիզի Աստվածամոր տաճարը վերականգնելու համար Ինչպես է Աստվածամոր տաճարի տանիքում անհայտ անձը կրակ վառում․ (տեսանյութ) Փարիզի Աստվածամոր տաճարի մեղուները հրդեհից չեն վնասվել Փարիզի Աստվածամոր տաճարի վանահայրը չի բացառում, որ հրդեհի պատճառը համակարգչային համակարգի խափանումն էր