Թրամփն իր նախընտրական քարոզարշավի համար ավելի շատ գումար է հավաքել, քան դեմոկրատների 2 առաջատար թեկնածուները միասին

Միացյալ Նահանգների նախագահ Դոնալդ Թրամփը, որը ցանկանում է 2020 թվականին վերընտրվել երկրի ղեկավարի պաշտոնում, ընթացիկ տարվա առաջին եռամսյակում ավելի քան 30 մլն դոլար է հավաքել իր նախընտրական քարոզարշավի համար:

Ինչպես նշում է Daily Mail-ը, այս ցուցանիշը գերազանցում է Դեմոկրատական կուսակցության երկու առաջատար թեկնածուների հավաքած ընդհանուր գումարի չափը:

Թրամփի քարոզարշավի հեռահաղորդակցության բաժնի պետ Թիմ Մուրթոն մանրամասնել է, որ իրենք առ այսօր հավաքել են 40,8 մլն դոլար, ինչը Թրամփի համար շատ լավ մեկնարկ է ապահովում մյուս 18 թեկնածուների հետ մրցապայքարում:

Ինչ վերաբերում է գործող նախագահի մրցակիցների արձանագրած ցուցանիշներին, ապա ամենաշատ գումարը հավաքել է ներկայում նրա գլխավոր մրցակից Բեռնի Սանդերսը, որն առաջին եռամսյակում հավաքել է 18,2 մլն դոլար: Երկրորդ տեղում է սենատոր Կամալա Հարիսը՝ 12 մլն դոլար ցուցանիշով:

Մինչդեռ ԱՄՆ պատմության մեջ առաջին բացահայտ միասեռական նախագահի թեկնածու Փիթ Բութիջիչն իր պաշտոնական առաջադրման մասին հայտարարելուց ժամեր անց հավաքել է 1 մլն դոլար:

Այս թեմայով Տոկիո-2020. Հովհաննես Բաչկովի մենամարտի տեսանյութը Տոկիո-2020. Մարմնամարզիկ Արթուր Դավթյանն Օլիմպիական խաղերի բրոնզե մեդալակիր է Հովհաննես Բաչկովը հաղթեց ադրբեջանցի մրցակցին և դուրս եկավ 1/4 եզրափակիչ Արթուր Դալալոյանը դարձավ օլիմպիական չեմպիոն Տոկիո-2020. Գերմանացի ֆուտբոլիստն ամուսնության առաջարկ է արել ուղիղ եթերում