Թերեզա Մեյը վարչապետը կլինի մինչեւ ԵՄ-ից Մեծ Բրիտանիայի դուրս գալը. Համոնդ
Թերեզա Մեյը վարչապետը կլինի այնքան ժամանակ, քանի դեռ Մեծ Բրիտանիան ԵՄ-ն չի լքել, պնդում է գանձապետարանի կանցլեր Ֆիլիպ Համոնդը, փոխանցում է AP-ն:
«Վարչապետն ասել է, որ կհեռանա, հենց գործարքը կնքի եւ մեզ Եվրամիությունից դուրս բերի: Բայց, որքանով տեղյակ եմ, այդ գործարքն առայժմ չի կնքվի»,- Bloomberg-ի հետ զրույցում հայտարարել է Համոնդը:
Հիշեցնենք, որ Եվրամիությունը ապրիլի 10-ի արտահերթ գագաթնաժողովում փակուղում հայտնված Բրիտանիայի համար բրեքսիթի ժամկետը հետաձգել է մինչեւ հոկտեմբերի 31-ը: Եվրոպացի դիվանագետների պարզաբանմամբ՝ օրը կապված է ԵՄ ղեկավար կազմի ապագա փոփոխության հետ. նոյեմբերի 1-ին իր լիազորություններն է ստանձնելու նոր Եվրահանձնաժողովը, եւ եթե Բրիտանիան իսկապես, ի վերջո, պատրաստվում է հեռանալ, ապա կարեւոր է, որ այն չմասնակցի Եվրամիության նոր կառավարության աշխատանքին:
Թերեզա Մեյը մարտի վերջին կուսակից պատգամավորներին խոստացել էր մինչեւ մայիսի 22-ը հեռանալ, եթե Համայնքների պալատը նրանց օգնությամբ, այնուամենայնիվ, հաստատի ԵՄ-ից դուրս գալու համաձայնագիրը:
Սակայն կուսակցությունում Մեյի ավելի մեծ թվով ընդդիմախոսներ են հրապարակայնորեն ասում առաջիկայում նրան հանելու՝ հնարավոր է, մինչեւ մայիսի վերջ, եւ ամռանը կուսակցության նոր առաջնորդի ընտրություններ անցկացնելու անհրաժեշտության մասին:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Կարևոր է, որ հայության ներկայացուցիչներն իրենց նույնականացնեն ՀՀ-ի հետ
Նոր ավտոբուսների ձեռքբերումը ենթադրում է նաև Երևանում առանձնացված գծերի մասով վերջնական լուծումներ
Մելանշոնը հավանական առաջատար թեկնածուներից մեկն է
Էլեկտրաէներգիայի ընդհատումներ կլինեն Երևանում և մարզերում․ հասցեներ
Սիթի ՍՊ ընկերության մի քանի աղցանի արտադրությունը կասեցվել է
Ամերիկան պատմության մեջ հսկայական քայլ հետ կատարեց