Թուրքիայում տարեկան 1 միլիոնով ավելանում է ինտերնետից օգտվողների թիվը

Արդեն 26 տարի է, ինչ Թուրքիայում ապահովվել է ինտերնետային կապ։ 1993թ․ ապրիլի 12-ին Թուրքիայի Միջին Արևելքի տեխնիկական համալսարանի (ODTÜ) տեղեկատվական տեխնոլոգիաների բաժնում առկա երթուղիչների օգտագործմամբ Փոստային և հեռագրային ծառայությունների գլխավոր վարչության (PTT) տրամադրած 64 կբ/վ կապի միջոցով Թուրքիան առաջին անգամ միացավ ամերիկյան NSFNet-ին։

Ըստ վիճակագրության՝ վերջին տարիներին Թուրքիայում տարեկան 1 միլիոնով ավելանում է ինտերնետից պարբերաբար և ակտիվորեն օգտվողների թիվը։ 82․44 մլն բնակչություն ունեցող Թուրքիայում 76․34 մլն բջջային բաժանորդ և 59․36 մլն ինտերնետից օգտվող քաղաքացի կա։

Եթե 5 տարի առաջ ինտերնետից օգտվում էր երկրի բնակչության 50 տոկոսը, ապա այսօր նրանք կազմում են բնակչության 84 տոկոսը։ Ընդ որում՝ ինտերնետից օգտվողների 43 տոկոսը նախընտրում է անգամ հեռուստատեսային ծրագրերին հետևել ինտերնետի միջոցով։ Մեծ է նաև սոցիալական ցանցերից օգտվողների թիվը․ շուրջ 52 տոկոս։ Թուրքիայում ամենից շատ օօգտատերեր ունեն Youtube, Instagram, Whatsapp և Facebook հարթակները։