Կրեմլը եւ ՌԴ ԱԳՆ-ն մեկնաբանել են Ասանժի ձերբակալումը

ՌԴ նախագահի մամուլի քարտուղար Դմիտրի Պեսկովը հույս է հայտնել, որ WikiLeaks-ի՝ Լոնդոնում ձերբակալված հիմնադիր Ջուլիան Ասանժի բոլոր իրավունքները կպահպանվեն։

«Եթե տեղեկությունը համապատասխանում է իրականությանը, ապա նա կալանվել է Լոնդոնում։ Ուստի ես հիմա ոչինչ ասել չեմ կարող։ Մենք, անշուշտ, հույս ունենք, որ նրա բոլոր իրավունքները կպահպանվեն»,- ասել է Պեսկովը լրագրողներին՝ պատասխանելով այն հարցին, թե պատրաստ է արդյոք Ռուսաստանը ապաստան տրամադրել Ասանժին, տեղեկացնում է ՏԱՍՍ-ը։ https://tass.ru/

ՌԴ ԱԳՆ պաշտոնական ներկայացուցիչ Մարիա Զախարովան մեկնաբանել է WikiLeaks պորտալի հիմնադիր Ջուլիան Ասանժի կալանումը Լոնդոնում Էկվադորի դեսպանատանը։

«Դեմոկրատիայի» ձեռքը սեղմում է ազատության կոկորդը»,- գրել է նա Facebook-ի իր աքաունթում, տեղեկացնում է ՌԻԱ «Նովոստի»-ն։

Ավելի վաղ Լոնդոնի մայրաքաղաքի ոստիկանությունը տեղեկացրել էր, որ Ասանժը ձերբակալվել է Էկվադորի դեսպանատանը եւ գտնվում է ոստիկանական տեղամասում։

Ասանժը հայտնի է դարձել մի շարք հրապարակումների առնչությամբ, այդ թվում Աֆղանստանում եւ Իրաքում ԱՄՆ ռազմական գործողությունների, Գուանտանամոյի ճամբարի պայմանների մասին։ 2010-ին WikiLeaks հիմնադիրը, երբ նրանով սկսեցին հետաքրքրվել ամերիկյան իշխանությունները, տեղափոխվեց Շվեդիա, որտեղ մտադիր էր պաշտպանություն ստանալ, բայց շուտով մեղադրվեց սեռական հողի վրա հանցագործությունների մեջ, որոնց հանցակցությունը նա հերքում է։ Շվեդիայի դատարանը նրա հանդեպ միջազգային հետախուզում հայտարարեց, ինչից հետո Ասանժը կալանվեց Լոնդոնում, բայց շուտով գրավի դիմաց ազատ արձակվեց։ 2012-ից նա թաքնվում էր Բրիտանիայի մայրաքաղաքում Էկվադորի դեսպանատանը։