Սուդանում նախագահական պալատի բոլոր աշխատակիցներին կտարհանեն

Սուդանում անվտանգության ծառայությունը նախագահական պալատից կտարհանի բոլոր աշխատակիցներին, հաղորդում է РИА Новости-ն՝ աղբյուրին հղումով:

Երկրի հեռուստաալիքները հայտարարել են շուտով երկրում ստեղծված իրավիճակի վերաբերյալ Պաշտպանության նախարարության ներկայացուցչի հետ ճեպազրույցի անցկացման մասին:

Ավելի վաղ հաղորդվել էր, որ Սուդանում բանակը ռազմական հեղաշրջում է իրականացրել՝ պաշտոնանկ անելով երկրի նախագահ Օմար ալ Բաշիրին:

РИА Новости-ի աղբյուրը հաղորդել էր նաև, որ Սուդանի բանակը շուտով կառավարական նոր մարմնի ստեղծման մասին հայտարարություն կտարածի, իսկ մինչ այդ մայրաքաղաք Խարթումի բնակիչներն ազգային դրոշները ձեռքներին և հաղթական բացականչություններով փողոց են դուրս եկել:

Սուդանում 2018թ.-ի դեկտեմբերին սկսված և վերջին շաբաթներին սրված բողոքի զանգվածային ցույցերի մասնակիցները պահանջել էին նախագահ Օմար ալ Բաշիրի հրաժարականը՝ զինված ուժերին հեղաշրջման կոչ անելով:

Օմար ալ Բաշիրն իշխանության է եկել 1989թ.ին՝ իսլամիստների կողմից հեղաշրջման արդյունքում: