Օդանավի 10 գաղտնի մասերը, որոնց մասին ուղեւորները չգիտեն

Օդանավում կան թաքնված գործառույթներ, արտասովոր մասեր եւ գաղտնի կոճակներ, որոնց գոյության մասին ուղեւորներն անգամ չեն կռահում, հայտնում է The Sun-ը:

Օդանավը կարող է ձայն արձակել, որը նման է գնացքի շչակին: Օդաչուներն այն օգտագործում են միայն այն ժամանակ, երբ օդանավը գետնի վրա է: Օդում ազդանշանային համակարգն անջատվում է: Այս ձայնային ազդանշանն առաջին հերթին կապի միջոց է: Սակայն մեքենան էլ կարող է այդ ձայնն արձակել, որ զգուշացնի համակարգերից մեկի շարքից դուրս գալու կամ սրահում բռնկման մասին:

Օդանավերը կառավարվում են ոչ միայն կոճակներով ու լծակներով, այլեւ 2 ոտնակներով, որոնք տեղակայված են օդաչուների ոտքերի տակ: Երբ օդանավը օդ է բարձրանում, նրանք այն ղեկավարում են ոտքերով: Օդանավն ունի անգամ արգելակման ոտնակ:

Բազկաթոռի արմնկակլը թվում է անշարժ, բայց ուշադիր նայելու դեպքում կարելի է կոճակ գտնել: Այն սեղմելիս արմնկակալը բարձրանում է, ինչը թռիչքն ավելի հարմարավետ է դարձնում: Անհամեմատ հեշտ է նաեւ բազկաթոռը լքերը:

Սրահի պատին փակցված փոքր սեւ եռանկյունին նշանակում է, որ այդտեղ է գտնվում թեւի վրա տեսարանով ամենալավ տեղը: Այն անձնակազմին թույլ է տալիս արագ գտնել լավագույն տեսարանով իլյումինատորը՝ հետեւելու համար թեւերի տակ եղած դրությանը, եթե հաղորդիչները շարքից դուրս գան:

Արտակարգ իրավիճակի դեպքում ուղեկցորդները կարող են զբաղված զուգարան մտնել՝ այն բացելով փոքր կոճակի միջոցով: Այն առավել հաճախ գտնվում է ծխելու արգելքի նշանի տակ:

Եթե ուղեւորն իրեն ոչ համարժեք, ագրեսիվ է պահում, ապա ուղեկցորդներն իրավունք ունեն նրան ձեռնաշղթայելու, իսկ վայրէջքից հետո հանձնելու օդանավակայանի ոստիկանությանը: Սակայն դա ստանդատ մետաղական ձեռնաշղթա չէ, այլ սովորական մալուխային ձգանակ:

Օդանավի իլյումինատորի վրա փոքրիկ անցք կա՝ նախատեսված ապակու ներքին շերտում ճնշման վերացման համար: Քանի որ օդանավերը ճնշման ներքո են, կարիք ունեն յուրատեսակ պաշտպանական կափույրի, որպեսզի նվազագույնի հասնեն օդանավի պատուհանների վրա ահռելի ծանրաբեռնվածությունը:

Քչերն են մտածում, թե ուղեկցորդները որտեղ են քնում՝ երկարատեւ թռիչքների ժամանակ հերթափոխը հանձնելով գործընկերներին: Մինչդեռ կան մահճակալներով հատոևկ հատվածներ, որ անձնակազմը կարողանա հանգստանալ:

Ուղեւորների մեծ մասը զարմանում է, թե ինչու օդանավերում կան ներկառուցված մոխրամաններ, եթե օդանավի սրահում ծխելը խստիվ արգելված է: Սակայն ըստ անվտանգության կանոնների՝ օդանավում պետք է տեղ լինի, որտեղ կարելի է ծխախոը հանգցնել:

Օդանավի թեւերի վրա կան փոքր դեղին կեռեր: Ջրի վրա վայրէջք կատարելիս դրանք գործում են որպես ռուդիմենտար թեւքակալներ, կեռերին կարելի է պարան կապել, որ ուսեւորները սրահից թեւի միջոցով ավելի հեշտ դուրս գան: