Ռոնալդուն բուժզննում է անցել Բարսելոնայում

Թուրինի «Յուվենտուսի» եւ Պորտուգալիայի հավաքականի հարձակվող Կրիշտիանու Ռոնալդուն բուժզննում անցնելու նպատակով ժամանել է Բարսելոնա, հաղորդում է football-italia-ն։ Ֆուտբոլիստը Բարսելոնա մեկնել է «Յուվենտուսի» բժշկական շտաբի համաձայնությամբ։ Արդեն այսօր նա պետք է վերադառնա Իտալիա եւ սկսի վերականգնողական փուլը։

Ռոնալդուն աջ ազդրի մկանային վնասվածքը ստացել էր Սերբիայի դեմ Եվրոպայի առաջնության ընտրական մրցաշարի երկրորդ տուրի խաղում (1։1) եւ փոխարինվել արդեն առաջին խաղակեսում։

34-ամյա ֆուտբոլիստը բաց կթողնի «Էմպոլիի», «Կալյարիի» եւ «Միլանի» դեմ առաջիկա հանդիպումները Իտալիայի առաջնությունում։