Սկրիպալի մայրը ոստիկանություն է դիմել իր որդուն ու թոռանն անհայտ կորած ճանաչելու խնդրանքով
Ռուսական հետախուզական վարչության նախկին աշխատակից Սերգեյ Սկրիպալի մայրը՝ Ելենան, ոստիկանություն է դիմել իր որդուն ու թոռանն անհայտ կորած ճանաչելու մասին խնդրանքով: Այդ մասին «Ինտերֆաքս» գործակալությանն ասել է Սկրիպալի ազգականուհին՝ Վիկտորյան:
«Երեքշաբթի դիմում է ուղարկվել ոստիկանություն՝ Սերգեյ Սկրիպալին ու նրա դուստր Յուլյային անհայտ կորած ճանաչելու խնդրանքով»,- ասել է Վիկտորյան:
Վիկտորյա Սկրիպալը բնակվում է Յարոսլավլում՝ Սերգեյ Սկրիպալի մոր հետ: Ավելի վաղ նրանք մտադիր էին Մեծ Բրիտանիա այցելել՝ ազգականների վիճակի մասին տեղեկանալու համար, սակայն Վիկտորյային մի քանի անգամ մերժել են բրիտանական վիզա տրամադրելու հարցում:
Հիշեցնենք, որ Մեծ Բրիտանիայի օգտին լրտեսման համար ՌԴ-ում դատապարտված Սերգեյ Սկրիպալն ու իր դուստրը 2018-ի մարտի 4-ին անգլիական Սոլսբերի քաղաքում թունավորվել էին իրենց տան բռնակին քսված նյարդապարալիտիկ նյութով:
Պաշտոնական Լոնդոնը պնդում է, որ հարձակման հետևում կանգնած է Մոսկվան: Ռուսաստանը կտրուկ հերքում է մեղադրանքը:
Ավելի ուշ բրիտանական կողմը հայտարարել է, որ Սկրիպալների թունավորման գործում գլխավոր կասկածյալներ Ալեքսանդր Պետրով ու Ռուսլան Բոշիրով անուններով ներկայացող անձինք Գլխավոր հետախուզական վարչության գաղտնի գործակալներ են:
Մյուս մարզերում գետերի մակարդակի բարձրացման վերաբերյալ ահազանգեր չեն ստացվել
Որոշ տարածաշրջաններում ձյուն է տեղում․ Վարդենյաց լեռնանցքը, Սպիտակի ոլորանները, «Մեղրու սար» հատվածը...
Մոսկվայի կենտրոնում բազմաբնակարան շենք է այրվել․ զոհեր և վիրավորներ կան
Տավուշում ոչ մի գազատար չի կառուցվել, նման գործընթաց չկա. մարզպետ
Հանդիպել են գերությունից վերադարձած Վագիֆ Խաչատրյանը և Գևորգ Սուջյանը
Մարտի 23-ից ՆԳՆ Աշտարակի հաշվառման-քննական ստորաբաժանումը կգործի նոր հասցեում
Իրանում պատերազմը Հնդկաստանին կանգնեցրել է գազային ճգնաժամի առաջ
Հայ-վրացական գազատարը Հայաստանի խնդրանքով կտեղափոխվի
Վահագն Խաչատուրյանը ներկա է գտնվել Համայն Վրաստանի կաթողիկոս-պատրիարքի հուղարկավորության արարողությա...
«Վարդաշեն» քրեակատարողական հիմնարկից դատապարտյալ է փախել