Ամստերդամում բարեփոխում են հանրահայտ Կարմիր լապտերների թաղամասը

Ամստերդամի իշխանություններն այլեւս չեն ցանկանում, որ «սիրո քրմուհիները» լինեն զբոսոսաշրջային տեսարժանություն, եւ որոշել են բարեփոխել Կարմիր լապտերների թաղամասը, հաղորդում է ՌԻԱ Նովոստի-ն՝ հղում կատարելով ԱՏՕՌ-ին:

Ամստերդամի քաղաքապետ Ֆեմկե Հալսեման կոչ է արել փոփոխություններ կատարել հայտնի թաղամասում: Ըստ նրա՝ մարմնավաճառությունը զբոսաշրջային տեսարժանություն դարձնելը «նվաստացուցիչ» եւ «անթույլատրելի» է:

ԶԼՄ-ների հետ հարցազրույցում նա հայտարարել է, որ ցանկանում է դիտարկել թաղամասի բարեփոխման բոլոր տարբերակներն ստատուս-քվոն փոխելու համար:

Նրա խոսքերով՝ հանգամանքները, որոնց պարագայում սեքս-ոլորտի աշխատակցուհիները կատարում են իրենց պարտականությունները, վատթարացել են: «Սիրո թաղամասն» այցելող օրեցօր ավելացող զբոսաշրջիկները ոչ միայն խանգարում են «կիսալույսի տիկնանց» ջանքեր գործադրել, այլեւ սպառնում են նրանց անվտանգությանը: Ֆեմկե Հալսեման ընդգծել է, որ բաց մարմնավաճառության ամստերդամյան ավանդույթն «էլ ավելի է կապվում բազմաթիվ զբոսաշրջիկների կողմից կանանց նվաստացնելու հետ»:

Ըստ ակտիվիստների՝ Ամստերդանում սեքս-աշխատակիցների շահագործումը հեռուն է գնացել, եւ, անկախ սեքս-բիզնեսի նկատմամբ կարծիքների, «ներկայիս իրավիճակն անհնար է արդարացնել»: Այժմ նիդերլանդյան քաղաքական գործիչները բացահայտ կերպով կոչ են արել քաղաքի իշխանություններին արգելել հանրային մարմնավաճառությունը: «Այդ կրկսեը, այդ հասարակական «մսի շուկան» նվաստացուցիչ է», հայտարարել են միջկուսակցական խմբում: