WhatsApp-ը կհետեւի օգտատերերին

WhatsApp-ը ստեղծողները ներդրել են գրառումների արտացոլման նոր ալգորիթմ՝ օգտատերերի կարճ տեսանյութեր, որոնք արտացոլվում են նույնանուն բաժնում։ Մոտ ապագայում գրառումները կդասավորվեն ոչ թե ժամանակագրական կարգով, այլեւ ըստ կարեւորության՝ գրում է РГ-ն։

Որպեսզի որոշվի, թե որ գրառումներն են ավելի կամ պակաս հետաքրքիր տվյալ մարդու համար, հավելվածը կսկսի հետեւել, թե ում հետ է նա ակտիվորեն շփվում, ում տեսանյութերն է նայում։ Այսպիսով, կհավաքվի տվյալների զանգված, որի հիման վրա կորոշվի գրառումների արտացոլման հերթականությունը։ Այժմ գրառումները երեւում են իրենց հայտնվելու հերթականությամբ, այսինքն՝ ժամանակագրական կարգով։

WhatsApp-ում վստահեցնում են, որ օգտատերերի ակտիվության մասին տեղեկատվությունը կպահպանվի ոչ թե ընկերության սեվերներում, այլ հատուկ սարքում։ Դա կարեւոր է, եթե հաշվի առնենք այն, որ Facebook-ի (որին պատկանում է WhatsApp-ը) օգտատերերի անձնական տվյալները պարբերաբար ընկնում են ուրիշների ձեռքը։