Գլխավոր դատախազությունը պարզաբանում է տարածել Սամվել Ֆարմանյանի հայտարարությունների վերաբերյալ
ՀՀ գլխավոր դատախազությունը պարզաբանում է տարածել օգոստոսի 29-ին Հայաստանի հանրապետական կուսակցության պատգամավոր Սամվել Ֆարմանյանի հայտարարությունների վերաբերյալ՝ կապված քրոջ՝ Գյումրու Մ. Նալբանդյանի անվան պետական մանկավարժական համալսարանի նախկին պրոռեկտոր Անահիտ Ֆարմանյանի նկատմամբ քրեական գործի հետ:
Դատախազությունը մեջբերել է Ֆարմանյանի խոսքերը, թե «քրեադատավարական օրենքների կոպտագույն խախտումով անհիմն շինծու գործ է», որը, առնչվում է իրեն՝ որպես պատգամավորի, ինչպես նաև հիշեցրել է, որ օգոստոսի 16-ին գրեթե նույնաբովանդակ հայտարարություն էր տարածել նաև Անահիտ Ֆարմանյանը: Դատախազության հաղորդագրությունում մանրամասնորեն ներկայացվել են հարուցված քրեական գործի մանրամասները, անցկացվող քննչական գործողությունները:
«Վերոնշյալ փաստերի և ժամանակագրության անգամ մակերեսային համադրումը ցանկացած մեկի համար ակնհայտ կդարձնի, որ բացարձակապես մտացածին և անհիմն են ինչպես Ա. Ֆարմանյանի կողմից վարույթ իրականացնող մարմնի հետ համագործակցության պատրաստակամության, այնպես էլ նրա նկատմամբ հարուցված քրեական հետապնդումը որևէ մեկի, այդ թվում նաև Սամվել Ֆարմանյանի անձով, հասարակական ու պաշտոնեական կարգավիճակով պայմանավորելու բոլոր ձգտումները», - պնդել է դատախազությունը և հույս հայտնել, որ «գոնե հետայսու գործի ելքով ակնհայտ շահագրգիռ անձինք ձեռնպահ կմնան իրենց պաշտոնեական կարգավիճակն օգտագործելով ընթացող նախաքննությունն անհիմն կերպով քաղաքականացնելու կամ նրա վրա որևէ կերպ ազդելու փորձերից»:
ՌԴ պետական ռեեստրում Նարեկ Կարապետյանը նշված է որպես ՌԴ քաղաքացի
Շակիրան Իսպանիայի կառավարությունից 55 միլիոն եվրո հարկային վերադարձ է ստացել
Տարածքային զիջումներից Զելենսկու հրաժարվելու պատճառով բանակցությունները փակուղի են մտել. Պենտագոն
Հրաժեշտի հանդիսավոր արարողություն ֆրանսիացի հարձակվող Անտուան Գրիզմանի համար
Ադրբեջանը անկեղծ շահագրգռված է Հայաստանի հետ հակամարտության դադերցմամբ. Բայրամով
Մասիսում հրդեհի հետևանքով կան զnհեր ու վիրավորներ
ՇՎՏՄ-ն հորդորում է նշված լցակայանների ցանցից չօգտվել
Գումար` հանրահավաքին մասնակցելու համար
Ուշադրության կենտրոնում է ՀՀ-ԵՄ վիզաների ազատականացումը
Դեսպան Մկրտչյանը ԱՄՆ Կոնգրեսում մասնակցել է ընտանիքների բարօրությանը նվիրված միջոցառմանը