Սեյրան Օհանյանը հարցաքննվել է
Պաշտպանության նախկին նախարար Սեյրան Օհանյանը երկու օր առաջ որպես վկա հարցաքննվել է իր ղեկավարման տարիներին բանակում տեղի ունեցած չարաշահումների գործով, «Ազատության» հետ զրույցում փոխանցեց ինքը՝ Օհանյանը:
«Ազատության» հարցին՝ ինչի՞ շուրջ էր հարցաքննությունը, պաշտպանության նախկին նախարարը պատասխանեց․ - «Նախաքննական ընթացակարգերից ելնելով՝ այդ հարցին ես չեմ կարող պատասխանել: Այն առնչվում էր բանակի գործունեությանը»:
Պետական եկամուտների կոմիտեն մեկ շաբաթ առաջ հայտարարեց, որ 2014-ից 2017-ի ընթացքում Պաշտպանության նախարարությունում գնումների և բանակաշինության ոլորտներում առկա չարաշահումների վերաբերյալ քրեական գործով մեղադրանք է առաջադրվել բարձրաստիճան երկու զինվորականի, նրանք չեն կալանավորվել:
Հայտարարության մեջ նաև նշվում էր, որ բանակում չարաշահումների այդ գործով հարցաքննության են կանչվել ՊՆ նախկին ու ներկա բարձրաստիճան պաշտոնյաներ, նաև այդ տարիներին պաշտպանության նախարարությունը ղեկավարած Սեյրան Օհանյանը: Նախկին նախարարի հարցաքննության մանրամասներ ՊԵԿ-ից ևս այսօր չհաղորդեցին:
Ապրիլյան պատերազմի օրերին Պաշտպանության նախարարությունը ղեկավարած Սեյրան Օհանյանը երեկ «Ազատության» հետ զրույցում վստահեցրել էր՝ ինքը տեղյակ չի եղել, որ քառօրյայի ժամանակ բանակին ուղարկված օգնության մի մասը ոչ թե առաջնագիծ է գնացել, այլ գեներալ Մանվել Գրիգորյանի առանձնատուն: Օհանյանը պնդել էր, որ նաև Ղարաբաղի իշխանությունները պետք է պարզաբանեն, թե ինչ ճանապարհով կարող էր յուրացվել բանակի ունեցվածքը:
Այսօր «Ազատության» հետ զրույցում Սեյրան Օհանյանը վստահեցրեց՝ ինքը մեղադրանքների սլաքը ղարաբաղյան իշխանությունների վրա ուղղելու նպատակ չի ունեցել․ - «Իհարկե՝ միանշանակ ոչ: Այդտեղ պետք է պատասխանատվություն կրեն այն մարդիկ, որոնք իրականում տեղյակ են եղել այդ ամեն ինչից կամ էլ տեղյակ չեն եղել»:
Շարունակելով պարզաբանել իր երեկվա հայտարարությունները՝ պաշտպանության նախկին նախարարը նշեց․ - «Պետք է պարզել՝ նշված նյութական միջոցները որտեղի՞ց են իրենք ստացել, արդյոք Արցախից կամ Հայաստանի Հանրապետությունից: Արդյոք ճանապարհից են հետ վերադարձվել և կամ Արցախում են իրենք դրանք ստացել և հետ վերադարձվել, քանի որ այդ մեքենաները չէին կարող լինել պաշտպանության նախարարությանը, եթե հաշվառված լինեին, միանշանակ դրանք պետք է լինեին պաշտպանության նախարարությունում»:
Ղարաբաղյան կողմից Օհանյանի հայտարարությունը «անհասկանալի» էին որակել, իսկ արդեն այսօր Լեռնային Ղարաբաղի նախագահի աշխատակազմի ղեկավարի տեղակալ Դավիթ Բաբայանն «Ազատությանը» ասաց, որ անհրաժեշտության դեպքում ղարաբաղյան կողմը պատրաստ է աջակցել գործի քննությանը․ - «Այստեղ պետք է իրենց մասնակցություն ունենան բոլոր այն անձինք, ովքեր կարող են օգնել իսկությունը պարզաբանելու՝ առանց շահարկումներ կատարելու»:
Իրավապահներն այսօր հաղորդեցին, որ «զինվորի բաժին» հանդիսացող պահածոներ հայտնաբերվել են նաև գեներալ Մանվել Գրիգորյանի՝ ղարաբաղյան առանձնատանը:
Մանվել Գրիգորյանի ծննդավայր Արշալույս գյուղում ստուգումներ են սկսվել
Մանվել Գրիգորյանը կմնա կալանքի տակ, վերաքննիչ բողոքը մերժվել է
Դիմակավորված անձինք ներխուժել են Մանվել Գրիգորյանի տարածք և գողացել ոչխարներին
Մանվել Գրիգորյանի կնոջը՝ Նազիկ Ամիրյանին մեղադրանք առաջադրվեց. նա չկալանավորվեց
Ձերբակալվել է գեներալ Մանվել Գրիգորյանի կինը՝ Նազիկ Ամիրյանը
ՌԴ պետական ռեեստրում Նարեկ Կարապետյանը նշված է որպես ՌԴ քաղաքացի
Շակիրան Իսպանիայի կառավարությունից 55 միլիոն եվրո հարկային վերադարձ է ստացել
Տարածքային զիջումներից Զելենսկու հրաժարվելու պատճառով բանակցությունները փակուղի են մտել. Պենտագոն
Հրաժեշտի հանդիսավոր արարողություն ֆրանսիացի հարձակվող Անտուան Գրիզմանի համար
22-ամյա հղի կինը մեքենայից դուրս է նետվել և մաhացել, ոստիկանությունը մանրամասներ է հայտնել Գեղարքուն...
Ադրբեջանը անկեղծ շահագրգռված է Հայաստանի հետ հակամարտության դադերցմամբ. Բայրամով
Մասիսում հրդեհի հետևանքով կան զnհեր ու վիրավորներ
Ուշադրությո՛ւն՝ մտնում է Իտալիայի չեմպիոնը
Գումար` հանրահավաքին մասնակցելու համար
ՇՎՏՄ-ն հորդորում է նշված լցակայանների ցանցից չօգտվել