Մայք Պոմպեոն Թեհրանն անվանել է աշխարհում «ահաբեկչության մեծագույն հովանավոր»
ԱՄՆ պետքարտուղար Մայք Պոմպեոն Թեհրանն անվանել է աշխարհում «ահաբեկչության մեծագույն հովանավոր»: Սաուդյան Արաբիա այցի ընթացքում նա կրկնել է ԱՄՆ նախագահ Դոնալդ Թրամփի սպառնալիքը՝ Իրանի միջուկային համաձայնագրից դուրս գալու մասին, եթե այն «չփոփոխվի»,- հայտնում է WSJ-ը:
«Մենք լի են վճռականությամբ հավաստիանալու, որ Իրանը երբեք միջուկային զենք չի ունենա»,- ասել է Պոմպեոն Սաուդյան Արաբիայի ԱԳ նախարար Ադել ալ Ջուբեյրի հետ համատեղ մամուլի ասուլիսի ժամանակ. «Իրանական գործարքն իր ներկայիս բովանդակությամբ այդ վստահությունը չի ապահովում»:
Նրա խոսքով՝ ԱՄՆ-ն համագործակցում է իր եվրոպացի դաշնակիցների հետ, որպեսզի գործարքը «շտկի»: Նա նշել է, որ Մերձավոր Արեւելքում Իրանի գործողությունները պետք է ուշադրության կենտրոնում լինեն, քանի որ ԱՄՆ-ն եւ Եվրոպան փորձում են իրանական համաձայնագրի բանակցություններում առաջ ընթանալ: Պոմպեոն կարծում է, որ Իրանն «ապակայունացնում է այս ամբողջ տարածաշրջանը»՝ աջակցելով եմենցի ապստամբներին եւ Սիրիայի նախագահ Բաշար Ասադին:
«Ի տարբերություն նախորդ վարչակարգի՝ մենք չենք անտեսի իրանական ահաբեկչության ընդարձակ չափերը: Սա իսկապես աշխարհում ահաբեկչության մեծագույն հովանավորն է»,- ասել է Պոմպեոն՝ նշելով, որ համաձայնագրի կնքումից հետո Իրանի պահվածքը միայն վատթարացել է:
Ջուբեյրը հայտարարել է, որ Սաուդյան Արաբիան աջակցում է Իրանի միջուկային գործարքում ուղղումներ կատարելու Թրամփի վարչակազմի ջանքերին:
Փաշինյանը մասնակցում է Իրանի նախագահի երդման արարողությանը
Իրանը հաստատակամ է Հայաստանի տարածքային ամբողջականության հարցում
Իրանի ԶՈՒ գլխավոր շտաբը հրապարակել է Ռաիսիի ուղղաթիռի կործանման պատճառների վերաբերյալ առաջին զեկույցը
Իրանի նախագահի ուղղաթիռի կործանման հետևանքով զոհերի մարմիններն ուղարկվել են Թավրիզ, որոնողական աշխատանքներն ավարտվել են
Կործանված ուղղաթիռը, որով թռչում էր Ռաիսին, ամերիկյան Bell 212-ն էր. Լրատվամիջոց
Թուրքիայի մուտքը ԲՐԻԿՍ արգելափակել է Հնդկաստանը. BILD
Ովքեր են այն 4 պատգամավորները, որոնք կողմ չեն քվեարկել կանոնակարգին