Սա անազնիվ լուսաբանմամբ զբաղվող մարդկանց հատուկ հասանելիություն տրամադրելու հրաժարումն է
ԱՄՆ փոխնախագահ Ջեյ Դի Վենսն անդրադարձել է Դոնալդ Թրամփի վարչակազմի կողմից լրատվամիջոցներին Սպիտակ տանը հասանելիություն տրամադրելու հարցին։ Նա նշել է, որ եթե որևէ լրատվամիջոց, իր բնորոշմամբ, գործում է որպես քաղաքական ուժի «քարոզչական թև», ապա Թրամփը պարտավոր չէ նրան հատուկ հասանելիություն տրամադրել։
«Սա արգելք չէ։ Սա անազնիվ լուսաբանմամբ զբաղվող մարդկանց հատուկ հասանելիություն տրամադրելու հրաժարումն է»,– ասել է ԱՄՆ փոխնախագահը։
Վենսը նաև պնդել է, որ եթե Թրամփի վարչակազմը հետևեր Բարաք Օբամայի և Ջո Բայդենի վարչակազմերի օրոք, իր գնահատմամբ, կիրառված մոտեցումներին, ապա պահպանողական լրատվամիջոցների նկատմամբ նախկինում ցուցաբերված վերաբերմունքի պատճառով կարող էր ավելի խիստ սահմանափակումներ կիրառել լիբերալ լրատվամիջոցների նկատմամբ։
Վենսը խոսել է նաև բենզինի գների մասին։ Նրա խոսքով՝ ամերիկացիների շրջանում բարձր գների վերաբերյալ հարցերը, իր գնահատմամբ, կապված են նաև Մերձավոր Արևելքում տեղի ունեցող իրադարձությունների հետ։
«Կարծում եմ՝ շատ ամերիկացիներ ասում են՝ ինչո՞ւ են բենզինի գներն այդքան բարձր։ Դա նրանից է, որ իրանցիները շարունակում են հրթիռներ և դրոններ արձակել առևտրային նավագնացության ուղղությամբ»,– ասել է Վենսը։
Նա հավելել է, որ իրավիճակը «ֆունդամենտալ առումով վերաբերում է իրանցիներին»։
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Հայաստան է ժամանել Վրաստանի պաշտպանական ուժերի հրամանատար Գիորգի Մաթիաշվիլին
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Գայի պողոտայում գտնվող առևտրի կենտրոններից մեկում հրդեհ է բռնկվել
Կասեցվել է «Պանիր Լոռի» և «Կաթի սեր» արտադրատեսակների արտադրությունը
ԱՄՆ դատարանը Ալյասկայում ընտրության վերաբերյալ մերժել է Թրամփի վարչակազմի հայցը
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Գազի մատակարարումները Ռուսաստանից Հայաստան շարունակվում են բնականոն հունով