Apache-ների սպասարկման կենտրոնի բացման վերաբերյալ Լեհաստանը և ԱՄՆ-ը պայմանագիր են ստորագրել

Լեհաստանի ռազմական ավիացիոն գործարանը և ամերիկյան Boeing կորպորացիան ստորագրել են պայմանագիր Լեհաստանի կողմից գնված 96 Apache AH-64E հարվածային ուղղաթիռների սպասարկման կենտրոնի ստեղծման վերաբերյալ: Արարողությանը մասնակցել է Լեհաստանի վարչապետ Դոնալդ Տուսկը։ Նրա խոսքով՝ այն կդառնա Եվրոպայում ամերիկյան ուղղաթիռների սպասարկման խոշորագույն կենտրոնը։

Մարտին Լեհաստանի իշխանությունները նման պայմանագիր են ստորագրել ամերիկյան Lockheed Martin կոնցեռնի հետ, որը սենսորային համակարգեր է մատակարարում է Apache ուղղաթիռների համար։

2024 թ. մարտի 12-ին Լեհաստանի նախագահ Անջեյ Դուդայի և վարչապետ Դոնալդ Տուսկի` Միացյալ Նահանգներ կատարած այցի ժամանակ համաձայնություն է ձեռք բերվել Լեհաստանին 96 Apache AH-64E ուղղաթիռներ վաճառելու վերաբերյալ։ Դրանց մատակարարման շուրջ պայմանագիրը կնքվել է նույն թվականի օգոստոսին, դրա արժեքը կազմել է 10 միլիարդ դոլար։ Վարշավան կսկսի ստանալ այդ ուղղաթիռները 2028 թվականին: