Պայթյուն Մոնակոյում․ տուժածների թվում են ուկրաինացի օլիգարխը, կինն ու երեխան

Գիշերն անհայտ անձը ինքնաշեն պայթուցիկ սարք է գործի դրել։ Պայթյունը տեղի է ունեցել Ֆրանսիայի հետ սահմանին գտնվող Հայր Լուի Ֆրոլիայի փողոցում: Հանրային անվտանգության վարչության նախնական տվյալների համաձայն՝ տեսախցիկները ֆիքսել են, թե ինչպես է անհայտ անձը դեպքի վայրում թողել է ուսապարկ, որը պայթել է մարդկանց մոտենալուց հետո` հաղորդում է BFMTV-ն:
 
Պայթյունի հետևանքով վիրավորվել է երեք մարդ, որոնցից երկուսը ծանր վիճակում են։ Figaro-ի տվյալներով՝ տուժածները ուկրաինացի օլիգարխն է, նրա կինը և երեխան։ Խոսքը Վադիմ Երմոլաևի՝ «Ալեֆ» կորպորացիայի հիմնադիրի և Դնեպրի խոշորագույն շինարարներից մեկի մասին է։
 
2021 թվականին Forbes Ukraine-ն Վադիմ Երմոլաևին ներառել է 100 ամենահարուստ ուկրաինացիների ցանկում՝ 220 միլիոն դոլար կարողությամբ։
 
Բացի այդ, Մոնակոյի պետական ​​նախարարը BFMTV-ին հայտնել է, որ նախապես հաղորդած երեք տուժածներից բացի, հոսպիտալացվել է ևս չորս մարդ։
 
Միջադեպը Մոնակոյի իշխանությունները որակել են ահաբեկչություն և նշել, որ պատմության մեջ այն առաջինն է։ Ֆրանսիայի Նիս քաղաքի քաղաքապետ Էրիկ Չիոտին նույնպես միջադեպը անվանել է ահաբեկչական հարձակում։