Աստված մերժում է «արյունով թաթախված ձեռքեր» ունեցողների աղոթքները․ Հռոմի պապը՝ պատերազմ մղող առաջնորդներին

Մերձավոր Արևելքում շարունակվող լարվածության պայմաններում Հռոմի պապ Լևոն XIV-ը կոշտ ուղերձ է հղել՝ դատապարտելով պատերազմն ու դրա մասնակիցներին։ Վատիկանում Ծաղկազարդի կապակցությամբ ելույթ ունենալով՝ պապը հայտարարել է, որ Աստված մերժում է պատերազմներ սկսող և «արյունով թաթախված ձեռքեր» ունեցող առաջնորդների աղոթքները։ Նրա խոսքերը մեկնաբանվում են որպես անուղղակի քննադատություն Իրանի հետ ԱՄՆ-Իսրայել հակամարտությանը ներգրավված կողմերի հասցեին։

«Սա մեր Աստվածն է՝ Հիսուսը՝ խաղաղության թագավորը, որը մերժում է պատերազմը, և ոչ ոք չի կարող օգտագործել նրան պատերազմը արդարացնելու համար»,-ասել է նա։ Պապը նաև ընդգծել է, որ Աստված չի լսում պատերազմ մղողների աղոթքները՝ մեջբերելով Աստվածաշնչից․ «Թեև շատ աղոթքներ անեք, ես չեմ լսի. ձեր ձեռքերը լի են արյունով»։ Նրա հայտարարությունը հնչել է այն ժամանակ, երբ տարածաշրջանում հակամարտությունը շարունակում է սրվել։

Այս թեմայով Կայացել է Հռոմի Պապ Լևոն XIV-ի գահակալության արարողությունը Հռոմի Սրբազան Քահանայապետ է ընտրվել ամերիկացի կարդինալ Ռոբերտ Ֆրենսիս Պրևոն Հռոմի պապ Ֆրանցիսկոսը կենդանության օրոք դեմ է արտահայտվել զենք կուտակելուն Վատիկանի կարդինալները կսկսեն նոր Պապ ընտրել Հռոմի պապը վախճանից առաջ հաշվին ունեցած 200,000 եվրոն փոխանցել է հիփոթեքի մարմանը