Մրցավար Խիլ Մանսանոյի հետ հաստատ կա հաղորդակցման խնդիր. Ֆլիկը կոշտ քննադատել է մրցավարին
«Բարսելոնայի» գլխավոր մարզիչ Հանս-Դիտեր Ֆլիկը ամփոփել է Լա Լիգայի 20-րդ տուրի արտագնա խաղը «Ռեալ Սոսյեդադի» դեմ, որտեղ կատալոնացիները զիջեցին 1:2 հաշվով։ Մարզիչը խիստ քննադատության է ենթարկել հանդիպման գլխավոր մրցավար Խեսուս Խիլ Մանսանոյին և վերլուծել թիմի խաղը։ Խաղի ընթացքում մրցավարը VAR-ի միջամտությունից հետո չեղարկել է «Բարսելոնայի» երկու գոլը։ Չնայած Ֆլիկը սովորաբար դրական է արտահայտվում իսպանական մրցավարության մասին, այս անգամ նա բացառություն է արել՝ համաձայնելով թիմի ավագ Ֆրենկի դե Յոնգի կարծիքին։
«Ես միշտ լավ եմ խոսում Լա Լիգայի մրցավարների մասին, բայց այս տղան… Բոլորը գիտեն՝ ինչպիսին է նա։ Ֆրենկին ասաց, որ մրցավարը մեծամիտ էր, և նա ճիշտ էր։ Բոլորը տեսան, թե ինչ արեց նա այս երեկո։ Չգիտեմ՝ Իսպանիայում մրցավարների հետ շփման ընդհանուր խնդիր կա՞, թե՞ ոչ, բայց Խիլ Մանսանոյի հետ հաստատ կա հաղորդակցման խնդիր», - նշել է Ֆլիկը։
Գերմանացի մասնագետը հայտնել է, որ հիասթափված է արդյունքից, բայց ոչ թիմի ցուցադրած խաղից։ Նա ընդգծել է, որ պարտության պատճառներն էին պաշտպանությունում թույլ տված սխալները և հարձակման գծում անհաջողությունը։ Ֆլիկը նշել է, որ պետք է ընդունել պարտությունը, էներգիա չվատնել մրցավարի վրա և կենտրոնանալ հաջորդ կարևոր հանդիպումների վրա։
70 հազարից՝ մինչև 2 մլն դրամ․ խստացվում են կառուցապատողների նկատմամբ տուգանքները (տեսանյութ)
Ծաղկունքում հարյուրավոր գլուխ ոչխարներ են անկել
Արհեստական բանականության միջազգային օլիմպիադայում հաջողությամբ հանդես եկած հայ դպրոցականները ներկայա...
Երբ փորձում էինք փնտրել ուրիշ տեղ, զենքի մատակարարման շուկաները փակ էին մեզ համար
ՆԳՆ ոստիկանության գվարդիայի ծառայողները կանխել են հետագա զարգացումները
Մեկնարկում է բռնցքամարտի Եվրոպայի առաջնությունը․ Հայաստանն այսօր ունի 4 ներկայացուցիչ
Սիրո անունը Հայաստան է
Սպասվում է բարձր կարգի հրդեհավտանգ իրավիճակ
«Արարատ-Արմենիան» 1։4 հաշվով պարտվեց Պրահայի «Սպարտային»
ՇՀԿ գլխավոր քարտուղարը կոչ է արել տրանսպորտային երթուղիների միասնական համակարգ ստեղծել ԵԱՏՄ-ի հետ