Բողոքի ցույցերի դաժան ճնշումներով Իրանը, կարծես, կարմիր գիծն է հատում. Թրամփ

Իրանը, կարծես, կարմիր գիծն է հատում՝ բողոքի ցույցերի դաժան ճնշումներով՝ Air Force One ինքնաթիռում լրագրողներին ասել է ԱՄՆ նախագահ Դոնալդ Թրամփը։ 

«Նրանք, կարծես, սկսել են հատել կարմիր գիծը։ Կարծես թե սպանվել են մարդիկ, որոնց չպետք է սպանեին։ Նրանք դաժան են (Իրանի ղեկավարությունը), կարող եք նրանց առաջնորդներ անվանել, չգիտեմ՝ կարելի՞ է նրանց առաջնորդներ անվանել։ Կարծում եմ՝ նրանք բռնությամբ են կառավարում։ Բայց մենք դա շատ լուրջ ենք ընդունում, ինչպես նաև զինվորականները։ Եվ կան մի քանի տարբերակներ»,- ասել է Թրամփը։

Նրա խոսքով՝ Իրանի ղեկավարությունը խնդրել է բանակցություններ սկսել Միացյալ Նահանգների հետ. «Մենք կարող ենք գործել մինչև հանդիպումը։ Հանդիպումը գտնվում է պլանավորման փուլում։ Իրանը զանգահարել է։ Նրանք ցանկանում են բանակցել»։