ԱՄՆ-ն քննարկում է Գրենլանդիան «ձեռք բերելու» տարբերակները, այդ թվում՝ ռազմական ուժի միջոցով. Սպիտակ տուն
ԱՄՆ նախագահ Դոնալդ Թրամփը քննարկում է Գրենլանդիան «ձեռք բերելու մի շարք տարբերակներ», այդ թվում՝ ռազմական ուժի միջոցով, հայտարարել է Սպիտակ տունը։
Սպիտակ տունը BBC-ին հայտնել է, որ Գրենլանդիայի՝ ՆԱՏՕ-ի անդամ Դանիայի կիսաինքնավար շրջանի ձեռքբերումը «ազգային անվտանգության առաջնահերթություն» է։
Եվրոպացի առաջնորդներն ավելի վաղ համատեղ հայտարարություն էին ընդունել, որով դեմ էին արտահայտվել Թրամփի՝ Արկտիկական կղզու նկատմամբ ունեցած նկրտումներին։
Թրամփը նախորդ շաբաթ կրկնել էր, որ ԱՄՆ-ին «անհրաժեշտ է» Գրենլանդիան՝ անվտանգության նկատառումներից ելնելով։ Ի պատասխան՝ Դանիայի վարչապետ Մետտե Ֆրեդերիկսենը զգուշացրել էր, որ ԱՄՆ-ի կողմից ցանկացած հարձակում կնշանակի ՆԱՏՕ-ի վերջը։
ՆԱՏՕ-ն տրանսատլանտյան ռազմական դաշինք է, որը նախատեսում է, որ դաշնակիցներից պետք է միմյանց օգնեն արտաքին հարձակումների դեպքում։
Երեքշաբթի օրը եվրոպացի 6 դաշնակիցներ աջակցություն են հայտնել Դանիային։
«Գրենլանդիան պատկանում է իր ժողովրդին, և միայն Դանիան ու Գրենլանդիան կարող են որոշումներ կայացնել իրենց հարաբերություններին վերաբերող հարցերի վերաբերյալ», — համատեղ հայտարարության մեջ նշել են Մեծ Բրիտանիայի, Ֆրանսիայի, Գերմանիայի, Իտալիայի, Լեհաստանի, Իսպանիայի և Դանիայի առաջնորդները։
Նրանք նաև կոչ են արել «պահպանել ՄԱԿ-ի կանոնադրության սկզբունքները, ներառյալ ինքնիշխանությունը, տարածքային ամբողջականությունը և սահմանների անձեռնմխելիությունը»։
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Հայաստան է ժամանել Վրաստանի պաշտպանական ուժերի հրամանատար Գիորգի Մաթիաշվիլին
Գայի պողոտայում գտնվող առևտրի կենտրոններից մեկում հրդեհ է բռնկվել
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
ԱՄՆ դատարանը Ալյասկայում ընտրության վերաբերյալ մերժել է Թրամփի վարչակազմի հայցը
Գազամատակարարման վթարային դադարեցում Երևանի մի շարք հասցեներում
Կենսաթոշակի նշանակման համար ստաժի հաստատումը հեշտացնելու աշխատանքներ են տարվում