Հարավային Կորեայի նախկին նախագահին խնդրել են դատապարտել 10 տարվա բանտարկության 4 գործերից առաջինի շրջանակում
Հարավային Կորեայում Սեուլի Կենտրոնական օկրուգային դատարանի հատուկ դատախազը պահանջել է երկրի նախկին նախագահ Յուն Սոկ Յոլին դատապարտել 10 տարվա ազատազրկման արդարադատությանը խոչընդոտելու մեղադրանքով։
Դատախազները Յուն Սոկ Յոլին մեղադրում են այն հարցում, որ նա քննիչներին խանգարել է ձերբակալել իրեն 2025թ․ հունվարին, երբ փակվել էր նախագահական նստավայրում։ Նախկին նախագահին նաեւ մեղադրում են այն բանում, որ նա խախտել է կառավարության ինը անդամների իրավունքները, որոնց չեն կանչե; ռազմական դրություն մտցնելու պլանը քննարկող նիստին։
Մեղադրանքը լսվել է նախկին նախագահի գործով ամփոփիչ լսումների ժամանակ։ Սա չորս քրեական դատավարություններից առաջինն է՝ կապված 2024թ․ դեկտեմբերին ռազմական դրություն մտցնելու հետ։
Ինքը՝ Յուն Սոկ Յոլը, որը գտնվում է ուղղիչ հաստատությունում, բոլոր մեղադրանքները մերժում է։ Դատավճիռն սպասվում է հունվարի 16-ին մոտ։
2024թ․ դեկտեմբերի սկզբին Յուն Սոկ Յոլը Հարավային Կորեայում մտցրել է արտակարգ դրություն՝ դա բացատրելով «հյուսիսկորեամետ հակապետական ուժերն արմատախիլ անելու» անհրաժեշտությամբ, եւ կոչ է արել ընդդիմադիր կուսակցություններին «դադարեցնել զայրացուցիչ գործողությունները, որոնք կաթվածահար են անում երկրի աշխատանքը»։ Խորհրդարանը քվեարկել է նախագահի իմփիչմենթի օգտին, իսկ հունվարին նրան ձերբակալել են։
Մարտին Յուն Սոկ Յոլին ազատ են արձակել կալանքից, բայց հուլիսին նորից ձերբակալել են, դատախազությունն անհանգստացած էր, որ նա կարող է ոչնչացնել ապացույցները՝ գտնվելով ազատության մեջ։ 2025թ․ նոյեմբերին Հարավային Կորեայի հատուկ դատախազի թիմը նախկին նախագահի դեմ լրացուցիչ մեղադրանքներ է առաջադրում՝ իշխանության չարաշահման եւ թշնամուն օժանդակելու վերաբերյալ, Հյուսիսային Կորեա անօդաչուներ ուղարկելու գործողության պատճատով 2024թ․ հոկտեմբերին։ Մեղադրանքի վարկածով՝ Յուն Սոկ Յոլը հրամայել է գաղտնի գործողություն իրականացնել Հյուսիսային Կորեայի տարածքում անօդաչուների օգտագործմամբ, որպեսզի պատասխան գործողություններ սադրի եւ օգտագործի դրանք որպես ռազմական դրություն մտցնելու պատրվակ։
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո