Միակ հակամարտությունը, որի կարգավորմանը նպաստել Է Թրամփի վարչակազմը, եղել է Երևանի և Բաքվի միջև․ DW

ԱՄՆ նախագահ Դոնալդ Թրամփը պնդում է, որ պաշտոնավարման առաջին տարում ավարտին է հասցրել 8 պատերազմ։ Սակայն նրա խաղաղության համաձայնագրերից մի քանիսը գործնականում մեծապես անարդյունավետ են եղել։ Պատերազմները դադարեցնելու և կարգուկանոն հաստատելու վերաբերյալ Թրամփի հռետորաբանությունը, ըստ երևույթին, «ծուխ ու հայելիներ» (աչքակապություն) է, գրում է Deutsche Welle-ն։

«Այն, ինչ նա անվանում է խաղաղություն, հիմնականում ժամանակավոր հրադադարներ են, կարգավորման համաձայնագրեր կամ մամուլի ասուլիսների ժամանակ հռչակված հաղթանակներ, որոնք անտեսում են հակամարտության բուն պատճառները»,- հայտարարել է ԱՄՆ-ում գործող «Code Pink» հակապատերազմական խմբի հիմնադիր Մեդեա Բենջամինը:

Լիսաբոնի համալսարանական ինստիտուտի (ISCTE-UL) հետազոտող Էուժենիու Կոշտա Ալմեյդան կարծում է, որ Թրամփի՝ որպես դիվանագետի դերում առկա է մի մարտավարություն, որը դուրս է գալիս անձնական հեղինակության շրջանակներից և գործում է «աշխարհաքաղաքական ռազմավարության տրամաբանության, տնտեսական շահերի և անձնական ու ընտրական առաջնորդության հաստատման հատման կետում»։