Մինեսոթայում ներգաղթյալների դեմ գործողության ընթացքում ձերբակալել են ավելի քան 400 մարդու. NBC
ԱՄՆ ներգաղթի եւ մաքսային ծառայությունը (ICE) Մինեսոթայում անօրինական ներգաղթյալներին ձերբակալելու լայնածավալ գործողության ընթացքում բռնել է ավելի քան 400 մարդու։ Այս մասին տեղեկացրել է NBC News հեռուստաալիքը՝ հղում կատարելով գերատեսչության աղբյուրին։
Մինեապոլիս-Սեն Փոլ ագլոմերացիայում, որտեղ գտնվում է աշխարհի ամենամեծ սոմալիական համայնքը, գործողությունը շարունակվում է դեկտեմբերի սկզբից։ Այն ներառում է երկրի տարբեր ծայրերից ժամանած մոտ 100 ICE գործակալ, ինչպես նաեւ այլ գերատեսչությունների ներկայացուցիչներ։
Ծառայության ներկայացուցիչ Մարկոս Չարլզը NBC News հեռուստաալիքին ասել է, որ գործողությունը «չի ուղղված սոմալիացիների» դեմ եւ որ դաշնային ուժերը «փնտրում են տարածքում անօրինական գտնվող մարդկանց»։ Չարլզը ավելացրել է, որ գործողությունը բարդանում է չափազանց ցուրտ եղանակի պատճառով, ներգաղթյալները «շատ հաճախ դուրս չեն գալիս իրենց տներից»։ Հեռուստալիքի տվյալներով՝ տեղի բնակիչները բողոքում են անվտանգության ուժերի տեղակայման դեմ եւ սպառնալիքներ են հնչեցնում նրանց հասցեին։
Ինչպես դեկտեմբերի 3-ին հաղորդել է The New York Times-ը, դաշնային ուժերը մտադիր են նույնականացնել եւ ձերբակալել այն սոմալիացիներին, ովքեր ստացել են արտաքսման ծանուցումներ, բայց դեռեւս բնակվում են քաղաքում։ Բացի այդ, անվտանգության ուժերը նախատեսում են ձերբակալել այն ներգաղթյալներին, որոնք դեռեւս չեն ստացել անհրաժեշտ փաստաթղթերը։
Տպավորիչ «արյունոտ Լուսին». 2026 թվականի մարտի 3-ին սպասվում է Լուսնի լիակատար խավարում
Ովքե՞ր եք դուք. Սպերցյանը պատմել է տրանսֆերային պատուհանի վերջին օրվա տարօրինակ զանգի մասին
ՀՀ պաշտպանության նախարարը Իրանի ԶՈՒ ԳՇ պետի հետ քննարկել է տարածաշրջանային անվտանգությանը վերաբերող ...
Շիրակի մարզի քրեական ոստիկանները թմրամիջոցի ապօրինի շրջանառության դեպքեր են բացահայտել
Կա վտանգ՝ մսխեն մեր տղերքի թափած արյան վրա ստեղծված խաղաղությունը․ վե՛րջ տվեք մանկական խաղերին
Սոչիի նկատմամբ ռուս զբոսաշրջիկների պահանջարկը նվազել է
Ծովազարդի դպրոցում 14-ամյա տղան հարվածել է համադասարանցու դեմքին՝ կոտրելով քիթը
ՀՀ պաշտպանության նախարարը հանդիպել է Իրանի նախագահի հետ
Եղանակը հանրապետության տարածքում եւ Երեւանում առաջիկա օրերին
Չորս ոստիկան ազատվել է աշխատանքից (տեսանյութ)