Մեծ Բրիտանիան ստեղծել է նոր ռազմական հետախուզական ծառայություն՝ աճող սպառնալիքների պատճառով
Մեծ Բրիտանիայի կառավարությունը հայտարարել է նոր ռազմական հետախուզական ծառայության՝ Ռազմական հետախուզական ծառայությունների (ՌՀԾ) ստեղծման մասին՝ ի պատասխան «աճող թշնամական սպառնալիքների»։
Պաշտպանության նախարարության հայտարարության համաձայն՝ նոր հետախուզական ծառայությունը «առաջին անգամ միավորում է պաշտպանության նախարարության բոլոր հետախուզական ստորաբաժանումներն ու կազմակերպությունները մեկ միասնական կառույցի մեջ՝ ներառյալ ռազմածովային ուժերի, ցամաքային զորքերի և ռազմաօդային ուժերի ստորաբաժանումները, ինչը կարագացնի զինված ուժերում տեղեկատվության հավաքագրումը, վերլուծությունը և փոխանակումը»։
Միաժամանակ հայտարարվեց Պաշտպանության նախարարության նոր Պաշտպանության հակահետախուզական ստորաբաժանման (DCIU) ստեղծման մասին: Հայտարարության մեջ նշվում էր, որ անցած տարվա ընթացքում «Պաշտպանության նախարարության դեմ թշնամական հետախուզական գործունեությունն աճել է ավելի քան 50%-ով»:
Ինչպես նշել է պետքարտուղար Ջոն Հիլին, նոր կառույցները հետախուզությունը կդարձնեն ավելի արդյունավետ՝ Մեծ Բրիտանիան դնելով ռազմական նորարարությունների առաջատար դիրքում: Հետախուզական գործակալությունները ստեղծվել են հունիսի 2-ի Ռազմավարական պաշտպանության վերանայման (SDR) առաջարկություններին համապատասխան:
Ռազմական հետախուզական ծառայությունները միավորում են ռազմածովային ուժերի, ցամաքային ուժերի, ռազմաօդային ուժերի, Թագավորական տիեզերական հրամանատարության և մշտական միացյալ շտաբի հետախուզական ստորաբաժանումները՝ «ապահովելով, որ դրանք գործեն որպես միասնական համակարգ», - հավելել է Հիլին։
ՆԳՆ քրեական ոստիկանները հերթական հանցավոր խումբն են վնասազերծել՝ կասեցնելով նրանց գործունեությունը
Անվտանգության կանոնների պահպանումը՝ ջրահեղձությունների կանխարգելման կարևոր նախապայման․ ՆԳ նախարարութ...
Եկեղեցին նույնականացնելով մեկ անձի հետ՝ դուք հստակ միտում ունեք մոլորեցնել ձեր և մեր ընտրողներին. Ալ...
496 ապօրինի հատված ծառ՝ 114.7 մլն դրամի վնաս «Թումանյանի անտառտնտեսություն»-ում․ ԲԸՏՄ-ն հաղորդում է ...
Մեղրիում կասեցվել է զովացուցիչ ըմպելիքի արտադրամասի գործունեությունը
Barbie Signature շարքի նոր տիկնիկ՝ Ուիթնի Հյուսթոնի կերպարով
Ջերմուկ համայնքին կվերադարձվի 0.3 հա մակերեսով հողամաս
«Բարսելոնան» առաջարկ է ներկայացրել կիսապաշտպան Ռոդրիի տրանսֆերի համար
Եթե իրավապահները պարզեն, որ խախտում կա, մենք կունենանք հերթական քաղբանտարկյալը. Ծովինար Վարդանյան
Ռոբոտ-շները կպահպանեն Չինաստանի լուսնային կայանը