Գերմանիայում սկսվել է ՌԴ-ի երեք ենթադրյալ լրտեսների դատավարությունը. նրանցից մեկը ՀՀ քաղաքացի է
Երեքշաբթի օրը՝ դեկտեմբերի 9-ին, Մայնի Ֆրանկֆուրտի Բարձրագույն շրջանային դատարանում սկսվել է երեք տղամարդկանց դատավարությունը, որոնք, ըստ մեղադրող կողմի, ներգրավված են եղել Ռուսաստանի օգտին լրտեսության մեջ: Նրանք մեղադրվում են Ռուսաստանի Դաշնության գաղտնի ծառայության համար աշխատելու մեջ՝ «առանձնապես լուրջ գործով»: Ենթադրյալ գործակալները, հավանաբար, դավադրություն են կազմակերպել ինչ-որ մեկի սպանության համար, հայտարարել է Դաշնային դատախազության մամուլի խոսնակը՝ մեղադրական եզրակացությունը կարդալիս: DW-ի փոխանցմամբ՝ մեղադրյալներ Վարդգես Ի.-ն, Ռոբերտ Ա.-ն և Արման Ս.-ն համապատասխանաբար Հայաստանի, Ուկրաինայի և Ռուսաստանի քաղաքացիներ են:
Ինչպես պնդում է մեղադրող կողմը՝ 43-ամյա Վարդգես Ի.-ն 2024 թվականի մայիսին ռուսական հատուկ ծառայությունից առաջադրանք է ստացել լրտեսել Գերմանիայում բնակվող «Ուկրաինայից մի տղամարդու» նկատմամբ։ Ռուսաստանի ռազմական ագրեսիայի սկսվելուց հետո այս տղամարդը կռվել է Ուկրաինայի Զինված ուժերի (ՈւԶՈւ) կազմում։ Ռուսաստանը, նրան մեղադրանքներ է ներկայացրել «ռազմական հանցագործություններ» կատարելու, այդ թվում՝ իբր գերեվարված ռուս զինվորների մահապատժին մասնակցելու համար և «առաջադրանք» է տվել Հայաստանի քաղաքացուն։ Դատական նյութերից հետևում է, որ այն կատարելու համար մեղադրյալը հավաքագրել է երկու հանցակիցների։
Դատարանում ներկայացված տեղեկատվության համաձայն, այս լրտեսությունը, հավանաբար, պետք է ծառայեր որպես Գերմանիայում ռուսական հատուկ ծառայությունների հետագա գործողությունների նախապատրաստություն՝ ընդհուպ մինչև սպանություն։ Մեղադրյալները ձերբակալման պահից ի վեր գտնվում են կալանքի տակ։
Ինչպես փոխանցում է dpa գործակալությունը, Վարդգես Ի.-ի փաստաբանները դատարանում մերժել են մեղադրանքները։ Նրանց հայտարարությամբ, մեղադրող կողմի ապացույցները թերի են և իրադարձությունների զարգացման հնարավոր այլընտրանքային տարբերակները չեն հետաքննվել։ Անորոշ է նաև ռուսական հատուկ ծառայության հետ ենթադրյալ պատվիրատուի կապը, իսկ նրա գործողություններն այդ երեկոյան «չեն համապատասխանում հատուկ ծառայությունների մասնագիտական գործունեությանը», հայտարարել է փաստաբաններից մեկը։
Ուկրաինայի քաղաքացի Ռոբերտ Ա.-ի փաստաբանը նույնպես մերժել է իր պաշտպանյալի անունից մեղադրանքները։ Իրավաբանն ընդգծել է, որ վիրավորական է համարում այն մեղադրանքը, թե նա աշխատել է «ագրեսոր Ռուսաստանի» համար։
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո