Հարուստ ժառանգորդուհի ներկայացած թոշակառու կինը բանկերից խաբեությամբ մոտ 30 միլիոն դոլար է կորզել

Միչիգանի 73-ամյա բնակչուհին փախուստի մեջ է, քանի որ ենթադրաբար ներկայացել է որպես հարուստ ժառանգորդուհի և մեկ տարվա ընթացքում բանկերից ու այլ ֆինանսական հաստատություններից խաբեությամբ մոտ 30 միլիոն դոլար է կորզել, ըստ NBC News-ի՝ հայտարարել է Հետաքննությունների դաշնային բյուրոն։ Ըստ ՀԴԲ-ի տեղեկագրի՝ Մերի Քերոլ ՄըքԴոնելը հետախուզվում է Լոս Անջելեսում և Օրանժ շրջանում (Կալիֆոռնիա) խարդախության սխեմայի մեջ ենթադրյալ ներգրավվածության համար։

ՀԴԲ-ն հայտարարել է, որ կինը ներկայացել է որպես ՄըքԴոնել ընտանիքի ժառանգորդուհի և հայտարարել է, թե մուտք ունի 80 միլիոն դոլարի գաղտնի ֆոնդի։ McDonnell Aircraft կորպորացիան, որի ժառանգորդուհին է նա ներկայացել, այլևս գոյություն չունի։

ՀԴԲ-ի տվյալներով՝ հանցովոր սխեման սկսվել է մոտավորապես 2017 թվականի հուլիսին և շարունակվել մինչև 2018 թվականի մայիսը։ Մոտավորապես նույն ժամանակաշրջանում ՄըքԴոնելը Բըրբենքում գործող այժմ արդեն լուծարված Bellum Entertainment LLC պրոդյուսերական ընկերության գլխավոր գործադիր տնօրենն էր, որը ստեղծել է «Ես ամուսնացել եմ մարդասպանի հետ», «Պահանջվում է մարդասպան» քրեական սերիալները, նշված է դաշնային մեղադրական եզրակացության մեջ։