Սա նոր սկսվող ճանապարհի սկիզբն է. ԵՄ դեսպանը գոհ է ԵՄ-Հայաստան համաձայնագրի կնքումից
Հայաստանում Եվրամիության պատվիրակության ղեկավար, դեսպան Պյոտոր Սվիտալսկին ելույթ է ունեցել ՀՀ ազգային ժողովում «Հայաստան-ԵՄ. համապարփակ և ընդլայնված գործընկերություն» թեմայով լսումների ժամանակ:
Նախևառաջ դեսպանը շնորհակալություն է հայտնել նման կարևոր հարցի շուրջ առաջին քննարկմանն իրեն հրավիրելու և ամբիոնից հայ գործընկերներին դիմելու իրավունքի համար:
Նա ընդգծել է, որ նոյեմբերի 24-ին Բրյուսելում ստորագրված երկկողմ համաձայնագիրն իրենց կողմից դիտարկվում է որպես «խառը», այսինքն՝ ոչ միայն զուտ ԵՄ-ի ու Հայաստանի, այլ նաև ԵՄ-ի անդամ պետությունների ու Հայաստանի միջև կնքված փաստաթուղթ:
«Ուստի, ես այստեղ խոսում եմ ինչպես ընտանիքի առաջ ու լիահույս եմ, որ տվյալ քննարկումը կնպաստի նոր համաձայնագրի ճիշտ կյանքի կոչմանը»,-նշել է ԵՄ պատվիրակը:
ԵՄ դեսպանի բնորոշմամբ՝ կնքված համաձայնագիրը «շատ կարևոր քայլ է, նշանակալի իրադարձություն ու նոր սկսվող ճանապարհի սկիզբ»: Նա իր խոսքում նշել է, որ համաձայնագրի վավերացումից հետո դրա դրական ազդեցությունն անմիջապես կզգացվի: Սվիտալսկին շարունակել է՝ նշելով, որ համաձայնագրում ներառված կետերի մեծ մասը կյանքի կկոչվի մոտ ապագայում: Նա նաև նշել է, որ շուտով սպասվում են համաձայնագրի վավերացման վերաբերյալ քննարկումներ ԵՄ անդամ պետություններում:
Իր խոսքի եզրափակիչ հատվածում դեսպանը շնորհակալություն է հայտնել է համաձայնագրի կնքման գործում ներգրավված հայ և եվրոպացի մասնակիցներին՝ ընդգծելով, որ իրենք շատ գոհ ու բավարարված են ստացված արդյունքից:
«Անշուշտ, բանակցային գործընթացը երբեմն շատ ծանր է եղել՝ հաշվի առնելով ազգային շահերը պաշտպանելու սկզբունքը, սակայն վերջնական արդյունքը բավարարիչ է բոլոր կողմերի համար, քանի որ այն արդար փոխզիջում է ու մենք կարող ենք հպարտանալ դրանով: Մենք վստահ ենք, որ նոր համաձայնագիրն օգտակար է ոչ միայն Հայաստանի, ԵՄ անդամ պետությունների, այլև տարածաշրջանի՝ բոլոր հարևան պետությունների համար: Համաձայնագրում չկա որևէ կետ, որը կարող է ընկալվել որպես ինչ-որ մեկի դեմ ուղղված բան: Այս համաձայնագիրը համընդհանուր շահի համար է: Լիահույս եմ, որ այն կդառնա տարբեր ինտեգրացիոն կառույցներում ներառված, սակայն ԵՄ-ի հետ համագործակցությունը զարգացնել ցանկացող գործընկերների հետ հարաբերությունների կառուցման օրինակ, մոդել»,-ասել է պաշտոնյան:
Պյոտր Սվիտալսկիի խոսքով՝ իրենք շատ ուրախ են, որ Հայաստանը դարձել է նման ձևաչափում համագործակցության առաջամարտիկ: Նա նաև ցանկություն է հայտնել, որ Հայաստանի ու ԵՄ իշխանությունները գործադրեն բոլոր ջանքները՝ համաձայանգիրը հնարավորինս արագ կյանքի կոչելու համար:
22-ամյա հղի կինը մեքենայից դուրս է նետվել և մաhացել, ոստիկանությունը մանրամասներ է հայտնել Գեղարքուն...
Մեղավոր է ճանաչվել Ռուսաստանի օգտին լրտեսության մեջ
Լուիջի Մանջիոնեի արյունարբու երկրպագուհիները բացահայտորեն տոնում են սպանությունը
Վաղարշապատի համայնքային ոստիկանները ձերբակալել են Էջմիածնում դրիֆթ արած վարորդին
9-21 կմ պետք է Ադրբեջանի տարածքով անցնենք, որ հասնենք Արծվաշեն. Սասուն Միքայելյան
ԵՄ-ն Մոսկվայի հետ բանակցողի հարցում կողմնորոշվել է. FT
«Արարատցեմենտ»-ի մասնավորեցման գործընթացում հայտնաբերվել է մի շարք խախտումներ․ Դատախազություն
ՀԽՍՀ վաստակավոր ճարտարապետ Սաշուր Քալաշյանը նշում է ծննդյան 90-ամյակը
Զբոսաշրջային դժոխք Իտալիայում․ հանգստացողների բազմությունը փակում է փողոցները և տեղացիներին «փակում»...
ԱՄՆ ներգաղթային վիզայի դիմողների համար բուժզննումը պարտադիր է