Ապրիլի 1-ից կլինե՞ն դեպի Մոսկվա ուղիղ չվերթեր
Սոցիալական տարբեր հարթակներում այս օրերին ամենատարբեր աղբյուրներ տեղեկացնում էին, թե ապրիլի 1-ից ՌԴ-ն դադարեցնում է դեպի Հայաստան ուղիղ չվերթերը: Ի դեպ, չվերթեր ամրագրելու բոլոր կայքէջերում ևս ապրիլի 1-ից սկսած՝ որոնումները չեն տալիս համապատասխան արդյունքներ. որոնումները ցույց տվեցին, որ հայկական ոչ մի ավիաընկերություն ապրիլի 1-ից հետո դեպի Մոսկվա պլանավորած թռիչք չունի։
168.am-ի հետ զրույցում, սակայն, Քաղավիացիայի վարչությունից հերքեցին տարածվող տեղեկությունները՝ պարզաբանելով. «Ավիաընկերությունները հայտեր են տալիս. ապրիլից սկսվում է գարնանային շրջանը: Այդ ընթացքում նրանք նորից հայտ են տալու՝ շարունակելու թռիչքները»:
Դեպի Մոսկվա ուղիղ չվերթեր իրականացնող «Fly Arna» ավիաընկերությունից ևս չհաստատեցին չվերթերը դադարեցնելու մասին տեղեկությունը: Ավիաընկերության մամուլի խոսնակ Գայանե Անտոնյանը, անդրադառնալով որոնողական համակարգերում ապրիլի 1-ից այդ ուղղությամբ առաջարկվող տարբերակների բացակայությանը, նկատեց.
«Զուտ ժամանակի հարց է, որովհետև շատ ավիաընկերություններ իրենց համակարգերն ավելի ուշ են թարմացնում: Առաջիկա շաբաթների ընթացքում, թարմացումների ավարտին արդեն կկարողանաք տեսնել թռիչքները:
Միջազգային որոնողական համակարգերն էլ հիմնվում են մեր առաջարկած գրաֆիկների վրա. եթե մենք, ենթադրաբար, չունենք ապրիլից սկսած մեր թռիչքների գրաֆիկը, հետևաբար, իրենք էլ չունեն և չեն կարող առաջարկել»:
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...
Երևանում մի քանի փողոցներում կփոխվի երթևեկության կազմակերպումը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար