Քաղաքացին զրկվել է առաջին անգամ զենք ձեռք բերելու, ինքնապաշտպանության, կրթվելու, որսի իրավունքից․ հայտարարություն
Ինչպես հայտնի է, վերջերս ընդունվել և ուժի մեջ է մտել «Զենքի շրջանառության կարգավորման մասին» օրենքը, որը, չնայած իր դրական լուծումներին, խնդիրներ է առաջացրել առաջին անգամ զենք ձեռք բերող քաղաքացիների համար։ Մասնավորապես, առաջին անգամ զենք ձեռք բերող քաղաքացիները պետք է հանձնեն տեսական և գործնական քննություններ, որոնց կազմակերպումը պետք է ապահովեին ռազմամարզական կազմակերպությունները։ Քանի որ «Ռազմամարզական կազմակերպությունների մասին» օրենքի նախագիծը հանվել է շրջանառությունից, նշված կազմակերպությունները զրկվել են որպես իրավունքի սուբյեկտ համապատասխան իրավական կարգավիճակ ձեռք բերելու հնարավորությունից:
Այս ամենի արդյունքում ունենք մի իրավիճակ, երբ քաղաքացիները չեն կարող հանձնել առաջին անգամ զենք ձեռք բերելու թույլտվություն ստանալու համար անհրաժեշտ քննությունները, որովհետև քննություն ընդունող իրավական մարմինները գոյություն չունեն։ Հետևաբար, քաղաքացին չունի քննություն տալու հնարավորություն և զրկվել է առաջին անգամ զենք ձեռք բերելու իրավունքից, ինչով փաստացի խիստ սահմանափակվել է զենքի շրջանառությունը։
Հաշվի առնելով վերը հիշատակվածը` Մենք` Անվտանգային և ռազմամարզական ոլորտի ներկայացուցիչներս, հայտարարում ենք, որ Հայաստանի Հանրապետության քաղաքացին պետության կողմից զրկվել է առաջին անգամ զենք ձեռք բերելու, ինքնապաշտպանության, կրթվելու, որսի իրավունքից և մշակութային գործոնից։
Պետությունը լուրջ խոչընդոտներ է ստեղծում անվտանգության և ժողովրդավարական բաղադրիչներում։ Կոչ ենք անում (ՀՀ կառավարություն, ՀՀ պաշտպանության նախարարություն, Ազգային ժողով, ՀՀ ԱԺ պաշտպանության և անվտանգության հարցերի մշտական հանձնաժողով, Ներքին գործերի նախարարություն) յոթ օրյա ժամկետում հստակեցնել ու հայտարարել, թե երբ և ինչպես (նշել հստակ ժամկետ) կլուծվի քաղաքացուն առաջին անգամ զենք տրամադրելու այս օրենսդրական բացի խնդիրը և կվերականգնվի ՀՀ քաղաքացիների` առաջին անգամ զենք ձեռք բերելու խախտված իրավունքը։
Մենք շեշտում ենք, որ ակնկալում ենք այս բացթողման` հնարավորինս կարճ ժամկետներում մաքսիմալ հնարավոր արագ ձևով լուծում: Նշված ժամկետում խնդիրը չլուծելու դեպքում մեզ իրավունք ենք վերապահում օրենքով թույլատրված բոլոր միջոցներով և գործողություններով իրագործել մեր իրավունքների պաշտպանությունը:
Սույն հայտարարությունը բաց է և կարող են միանալ բոլոր մտահոգ քաղաքացի, զենքի շրջանառությամբ զբաղվող տնտեսվարողները և այլ հասարակական կազմակերպությունները:
29 Հունիս, 2023թ․
«Անվտանգային և ռազմամարզական ոլորտի ներկայացուցիչների միավորում» Հասարակական կազմակերպության անդամներ՝
«Ազատազէն» ռազմակրթական հասարակական կազմակերպություն
«Ժողովրդավարական հարթակ» հիմնադրամ
«Ողջ Մնալու Արվեստ» ռազմահայրենասիրական հասարակական կազմակերպություն
««Գոյատևման գիտակրթական կազմակերպություն «ՀԵՆՔ»» հասարակական կազմակերպություն
«Բարձունք» գիտակրթական-ռազմավարական հասարակական կազմակերպություն
«Արշակունի» ռազմամարզական հասարակական կազմակերպություն
Հրաչյա Արզումանյան` ռազմական և ազգայի անվտանգության հարցերով փորձագետ, քաղաքական գիտությունների դոկտոր
Նարեկ Ներսիսյան՝ իրավաբան, ռազմական փորձագետ
«Բերդ» կրթական, ռազմահայրենասիրական հասարակական կազմակերպություն
«Համապարփակ պաշտպանության և անվտանգության համակարգի զարգացման» հասարակական կազմակերպություն
«ՈՄԱ Վանաձոր» ռազմահայրենասիրական հասարակական կազմակերպություն
Մարտական Եղբայրություն
Երրորդ համաշխարհային պատերազմը սկսվեց. Զալուժնի
Արգիշտի Քյարամյանը՝ ՊՎԾ պետ. Նիկոլ Փաշինյանը որոշում ունի
Անդրեասյանը գիշերը հաղորդագրություններ է ուղարկել մի շարք դատավորների
Կրակոց՝ նաև ՆԳ նախարարի հրաժարականից հետո
Բա ես ու իմ կարգավիճակի մարդիկ ի՞նչ անեն․ Սոֆյա Հովսեփյան
Սա տգիտությունից բացի նաև ստորություն է. Լեւոն Քոչարյանը՝ Փաշինյանի աղմկահարուց հայտարարության մասին
Գեներալ Կարակաևը Պուտինի հետ խորհրդակցությունում. ռուսական «Орешник»-ն ի վիճակի է թիրախներ խոցել ամբ...
Պաշտոնանկության երկրորդ ալիքն էլ է լինելու. հաջորդը ովքե՞ր են SMS ստանալու
Ազգերի լիգա. հայտնի է Հայաստանի հավաքականի մրցակիցների վերջնական ցանկը
«Արտաշատի» ԲԿ-ի շուրջ սկանդալային զարգացումներ են