Գագիկ Հարությունյանը պատշաճ ծանուցված չի եղել եւ չի ներկայացել դատարան
«Հրապարակ» թերթը գրում է. «Երեւանի առաջին ատյանի քրեական դատարանի Ավանի նստավայրում հունիսի 28-ին պետք է տեղի ունենար ԱԺ նախկին նախագահ Արա Բաբլոյանի եւ ԱԺ աշխատակազմի ղեկավարի նախկին պաշտոնակատար Արսեն Բաբայանի գործով դատական նիստը: Սակայն նիստը հետաձգվել է, քանի որ վկան՝ ՍԴ եւ ԲԴԽ նախկին նախագահ Գագիկ Հարությունյանը, պատշաճ ծանուցված չի եղել եւ չի ներկայացել դատարան։
Հարությունյանը բնակվում է Եղվարդում, եւ, որոշ տեղեկություններով, փոստային ծառայության հետ է կապված եղել խնդիրը։ Հաջորդ նիստը նշանակվել է հուլիսի 12-ին, տեղեկացանք, որ Գագիկ Հարությունյանը դատարանին տեղեկացրել է, որ այդ օրերին Հայաստանում չի լինելու, ուստի չի կարող դատարան ներկայանալ, նրա փոխարեն դատարանն այլ վկայի կլսի։ Թե ում, մեզ չհաջողվեց պարզել։
Հիշեցնենք, որ Արա Բաբլոյանը մեղադրվում է Սահմանադրական դատարանի լիազորություններին տիրանալու ու պաշտոնեական կեղծիք կատարելու, իսկ Արսեն Բաբայանը՝ նշված գործողությանն օժանդակելու մեջ։ Ի դեպ, թվում էր, թե նախկինների օրոք ամենաերկարատեւ եւ ամենաբարձր պաշտոններում աշխատած Գագիկ Հարությունյանի նկատմամբ եւս պետք է որեւէ վարույթ լինի, նվազագույնը՝ ապօրինի գույքի բռնագանձման հոդվածով, եւ նրա ելքը երկրից փակ պետք է լինի, սակայն պարզվում է՝ նա այն եզակիներից է, որի նկատմամբ ոչ մի վարույթ հարուցված չէ, եւ նա անարգել կարող է՝ երբ ուզենա, մեկնել երկրից, եւ դատարան էլ կանչվում է բացառապես որպես վկա»:
Մանրամասները՝ թերթի այսօրվա համարում
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...