«Ծառուկյանը ո՞ւմ է կաշառք տվել, ամոթ է». Գագիկ Ծառուկյանը ելույթ ունեցավ դատարանում. նիստը հետաձգվեց
Հակակոռուպցիոն դատարանում՝ նախագահությամբ դատավոր Արամ Գրիգորյանի, այսօր՝ հունիսի 29-ին, ընթացել է «Բարգավաճ Հայաստան» կուսակցության նախագահ Գագիկ Ծառուկյանի եւ «Մուլտի գրուպ կոնցեռն» ՍՊԸ-ի տնօրեն Սեդրակ Առուստամյանի վերաբերյալ գործի քննությունը:
Պաշտպանական կողմը միջնորդել է դատարանին՝ ԱԱԾ-ից գործի ամբողջական նյութերը ստանալու համար: Ինչը, ըստ դատախազի, նշանակում է, որ գործում եղել են մեղադրական բնույթի ապացույցներ:
Դատախազի դիրքորոշման առնչությամբ պաշտպանական կողմը արձագանքեց. «Մենք չենք ընդունել, որ մեղադրական բնույթի ապացույցներ են եղել: Մենք ասում ենք, որ մեղադրանքի կողմը իր տրամաբանությամբ մեկնաբանում է ինչ-որ ապացույցներ, որոնք ներկայացնում է դատարանին, ու չեն ներկայացնում ողջ գործի ծավալը, որպեսզի մենք կարողանանք այդ ողջ ծավալին ծանոթանալ, համակարգային վերլուծություն անենք, եւ մեր դատողությունները կատարենք: Իրենց այս գործելաոճով զրկում են մեզ արդյունավետ պաշտպանվելու հնարավորությունից»:
Գործի քննությանը ելույթ ունեցավ նաեւ Գագիկ Ծառուկյանը՝ արձագանքելով մեղադրող դատախազին.
«Ես ուղղակի ամաչում եմ դատախազի ներկայացրած ապացույցից, որ այսքան քննություն կատարեցին, 120 քննիչ, 2 հազար հոգու քննեցին, տանել-փակելով, եթե հարգելի դատախազը մի օրինակ բերի, որ որեւիցե մեկն ասել է՝ Ծառուկյանը իրեն կաշառք է տվել, ապա ես կհամաձայվեմ իր հետ: Բայց ամոթ է, 2 հազար հոգու քննել են, որոշներին ձերբակալել են՝ 1-2 ամսով, բայց որեւիցե մեկը ասե՞լ է՝ Ծառուկյանը կաշառք է տվել, ամոթ է: Հասկացանք, որ քաղաքական իրավիճակ է եղել, հունիսի 5-ի հետ կապված Ծառուկյանը հայտարարություն է արել, որ այսօր այս օրին ենք ընկել: Ծառուկյանն ո՞ւմ է կաշառք տվել»:
Դատախազը ընդհատեց Ծառուկյանի ելույթը, դիմելով դատարանին՝ նրան զսպվածության կոչ անելու համար. «Ո՞ւմ է ամոթ, ո՞ւմ համար եք ասում: Դուք գնացեք, հանգիստ քնեք, ես հանգիստ քնում եմ»:
Դատարանը հորդորեց դատավարության կողմերին՝ չմտնել անձնական դաշտ եւ զսպվածություն ցուցաբերել. «Ամեն մեկն իր գործն է անում, խնդրում եմ հարգանքով վերաբերվել եւ լսել միմյանց դիրքորոշումները»:
Դատարանը որոշեց բավարարել պաշտպանների միջնորդությունը եւ գրություն կուղարկվի ԱԱԾ՝ գործի ամբողջական նյութերը ստանալու համար:
Հիշեցնենք, որ մեղադրանքը ներկայացվել է ՀՀ ՔՕ 219-րդ հոդվածի 1-ին մասով, այն է՝ ընտրակաշառք տալը։ Ծառուկյանն ու Առուստամյանը մեղադրվում են 2017 թվականին Հայաստանում տեղի ունեցած Ազգային ժողովի ընտրությունների ժամանակ ընտրողներին կաշառք տալու մեջ: Նրանք մեղադրանքը չեն ընդունում:
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...