Արդարադատության նախարար Գրիգոր Մինասյանը շարունակու՞մ է զբաղվել ձեռնարկատիրությամբ
«Փաստինֆոն» գրում է․
2023 թվականի մայիսի 16-ին ՀՀ արդարադատության նախարար Գրիգոր Մինասյանը ներկայացրել է 2022 թվականի գույքի, եկամուտների, ծախսերի և շահերի իր հայտարարագիրը, որտեղ գույքը հավատարմագրային կառավարման հանձնված լինելու բաժնում նշել է, որ «Էյ Էմ» իրավաբանական ընկերության իր բաժնեմասը 2022 թվականի հունվարի 14-ին կնքված պայմանագրով երեք տարի ժամկետով հավատարմագրային կառավարման է հանձնել Նարինե Սարգսյանին:
«Հանրային ծառայության մասին» ՀՀ օրենքի 31-րդ հոդվածի 11-րդ մասի համաձայն՝ առևտրային կազմակերպության կանոնադրական կապիտալում հանրային պաշտոն զբաղեցնող անձի և հանրային ծառայողի ունեցած բաժնեմասի հավատարմագրային կառավարիչ կարող են լինել անհատ ձեռնարկատերերը և առևտրային կազմակերպությունները:
Իսկ ո՞վ է Նարինե Սարգսյանը. նա ոչ առևտրային կազմակերպություն է, ոչ էլ՝ ԱՁ, քանի որ նախ՝ այդ դեպքում հայտարարագրում պետք է նշվեր նրա ԱՁ լինելու մասին, երկրորդ՝ իրավաբանական անձանց պետական ռեգիստրի գործակալության կայքում չի հայտնաբերվում «Նարինե Սարգսյան» անհատ ձեռնարկատեր: Մնում է ենթադրել, որ խոսքը նույն «Էյ Էմ» իրավաբանական ընկերության փաստաբան Նարինե Սարգսյանի մասին է, ով մի քանի տարի է, ինչ աշխատում է այնտեղ:
Փաստորեն, եթե մեր ենթադրությունը ճիշտ է, ապա Գրիգոր Մինասյանը ոչ միայն խախտել է գույքը միայն առևտրային կազմակերպությանը կամ ԱՁ-ին հավատարմագրային կառավարման հանձնելու օրենսդրական պահանջը՝ դրա հավատարմագրային կառավարումը հանձնելով ԱՁ չհանդիսացող անձի, այլև ինքն իրականում չի մեկուսացել իր գույքի կառավարումից, քանի որ գույքը հավատարմագրային կառավարման է հանձնել մի անձի, որի ամենօրյա գործունեությանը կարող է միջամտել ցանկացած ժամանակ, եթե ոչ անձամբ, ապա իր ընկեր Կարեն Անդրեասյանի կին, այդ ընկերության տնօրեն Եվա Առաքելյանի միջոցով:
Թվարկված խախտումները վկայում են այն մասին, որ Գրիգոր Մինասյանը նախորդ պաշտոնը ստանձնելուց հետո ամենայն հավանակությամբ շարունակվում է զբաղվել ձեռնարկատիրական գործունեությամբ, որպիսի հանգամանքը պարզելու վերաբերյալ մի քանի օր առաջ, մեր տեղեկություններով, վարույթ հարուցելու դիմում է ներկայացվել Կոռուպցիայի կանխարգելման հանձնաժողով:
Հետաքրքիր է հետևել, թե Կոռուպցիայի կանխարգելման հանձնաժողովն ինչ ընթացք կտա դիմումին՝ կպարզի՞ ճշմարտությունը, թե՞ փորձ կանի փրկել Գրիգոր Մինասյանին:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...