Պետպատվերը վերջացել է. Անուշ Պողոսյան
Անուշ Պողոսյանը գրում է. «Երեկ երկրի բարձրագույն ամբիոնից Առողջապահության նախարարը ի պատասխան պետական պատվերով բուժման անհնարինության մասին պատգամավորի հարցին՝ պատասխանեց. «…. մենք մեկնարկել ենք էլեկտրոնային հերթագրում…., մենք առաջիկայում պլանավորում ենք օֆերտայի ծրագրերով հավելումներ….. և այլն»:
Տիկին նախարար՝
Մինչ դուք խոսում եք բնակչության համար անհասկանալի տեխնոլոգիական լուծումների մասին՝ պետական պատվերից օգտվելու իրավունք ունեցող հիվանդների հերթերը բժշկական հաստատություններում հասել են մինչև 2024-թվական և հիվանդները ագրեսիվ վերաբերմունք են ցուցաբերում բուժաշխատողների հանդեպ, քանի որ նրանցից են լսում «պետպատվերը վերջացել է» արտահայտությունը՝ չպատկերացնելով, որ խնդիրը ձեր թիմի ապաշնորհ կառավարման մեջ է:
Օֆերտան ընդամենը հրապարակային պայմանագիրն է, գուցե սխալվել ե՞ք և նկատի ունեք չսահմանափակվող բյուջեի ծրագրերը, որոնց դեպքում հերթագրում նախատեսված չէ ( օրինակ չարորակ հիվանդությունների բուժում, անհետաձգելի բժշկական օգնություն և այլն);
Գուցե խնդիրը նրանում է, որ բժիշկները անմնացորդ աշխատում են՝ փրկելով հազարավոր կյանքեր, իսկ այդ հիվանդների հիվանդության պատմագրերը ուսումնասիրում են անհայտ ծագման և գաղտնի պահվող մասնագետները (խախտելով շատ իրավական ակտեր) և մերժում գումարների տրամադրումը:
Գուցե՞ կատարեք ներքին վերաբաշխում և այն «նախընտրած սիրելի» հիմնարկներում, որտեղ գումարի ավելցուկ կա վերաբաշխեք այլ հիմնարկներին»:
Կարծում եմ այս խորը սոցիալական խնդիրների դեպքում «առաջիկայում», «շուտով» բառերի փոխարեն պետք է կիրառվի «ՀՐԱՏԱՊ» բառը , իսկ պետական պատվերով բուժվողների թիվը ավելանում է ոչ թէ որակի հաշվին, այլ քանի որ ավելանում են սոցիալապես անապահովները և հաշմանդամները:
Հ.Գ. Շուտով առողջապահական համակարգում կունենանք նոր եզրույթ
«ԱՊԱՀՈՎԱԳՐՈՒԹՅՈՒՆԸ ՎԵՐՋԱՑԵԼ Է»:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...