Կրակոց Գյումրիում՝ ՔՊ-ականների մասնակցությամբ․ կա ձերբակալված
Գյումրիում արտառոց դեպք է տեղի ունեցել՝ ՔՊ-ականների մասնակցությամբ։ Հայտնում է Aravot.am-ը:
ՔՊ-ական գործարար Մարտին Թորոյանը, որը խանութ, լավաշի արտադրամաս ունի Տիգրան Մեծ փողոցում, կասկածվում է մոտ ընկերների՝ Գյումրու ավագանու ՔՊ-ական անդամ Երվանդ Խանամիրյանի և ևս երկու հոգու մասնակցությամբ իր տունը վերանորոգող արհեստավորին՝ 50-ամյա Հ․Մ․-ին հրազենային վնասվածք հասցնելու մեջ։
Մարտին Թորոյանը արհեստավորին կասկածել է շինանյութի գողության մեջ։ Տուժած արհեստավորը դիմել է Գյումրի բժշկական կենտրոն՝ փորձելով թաքցնել իրականությունը։
Գյումրի բժշկական կենտրոնի փոխտնօրեն Արմեն Խաչատրյանն Aravot.am-ին տեղեկացրեց, որ Հ․Մ․-ն դիմել է Գյումրի բժշկական կենտրոն՝ բողոքելով որովայնի սաստիկ ցավերից։ Նա ասել է, թե իբրև իր մոտ որովայնի պատի մազարմատի բորբոքում է։ Բժիշկները նրան հետազոտելուց հետո անմիջապես տարել են վիրահատության՝ հայտնաբերելով աղիների հրազենային վնասվածքներ։ Նրա աղիներից գտել ու հանել են փամփուշտը։ Նրա վիճակը, ըստ Արմեն Խաչատրյանի, միջին ծանրության է։ Մեր տեղեկություններով, Մարտին Թորոյանը ձերբակալված է, մյուսները փախուստի մեջ են։
Ոստիկանությունից հաստատեցին մեր տեղեկությունը՝ նշելով, որ նախաձեռնվել է քրեական վարույթ։ Aravot.am-ին հասած տեղեկություններով, քրեական վարույթ նախաձեռնվել է ՀՀ Քրեական օրենսգրքի մի քանի հոդվածներով, որոնց թվում է նաև արհեստավորին ծեծի ենթարկելն ու նվաստացնելը։ Այս թեմայի շուրջ պարզաբանումներ կստանանք նաև ՀՀ Քննչական կոմիտեից։ Նշենք, որ այս անձինք Գյումրու ՏԻՄ ընտրությունների ժամանակ սատարում էին ՔՊ-ի քաղաքապետի թեկնածու Հովհաննես Հարությունյանին, նրա մանկության ընկերներն են։ Մարտին Թորոյանը Շիրակի մարզում մեծ հարգանք վայելող նախկին ԲՀԿ-ական պատգամավոր Վարդևան Գրիգորյանի քրոջ որդին է։ Հանուն օբյեկտիվության՝ նշենք նաև, որ ավագանու անդամ Երվանդ Խանամիրյանը աչքի է ընկել իր համեստ պահվածքով։
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...